جەڭىلىستىڭ كەرمەك ءدامىن تاتىپ كورمەگەن قازاقستاندىق كاسىپقوي بوكسشىلار قانات يسلام (26-0, 21 KO) مەن جانقوش تۇراروۆ
(24-0, 17 KO) ءبۇكىلالەمدىك بوكس ۇيىمىنىڭ (WBO) رەيتينگىندەگى توپ-10 بوكسشىنىڭ قاتارىنا ەندى.
ورتا سالماقتا جۇدىرىقتاساتىن قانات يسلام 5-شىلدەدە الماتىدا وتكەن بوكس كەشىندە دومينيكاندىق قارسىلاسى حۋليو دە حەسۋستى ءبىرىنشى راۋندتا نوكاۋتپەن جەڭىپ, WBO International بەلدىگىن جەڭىپ العان-دى.
ال ءبىرىنشى ورتا سالماقتا ونەر كورسەتەتىن 28 جاستاعى جانقوش تۇراروۆ 6 شىلدەدە ەلوردادا وتكەن جەكپە-جەگىندە WBO Inter-Continental بەلدىگى ءۇشىن ارگەنتينالىق بوكسشى ماكسيميليانو گودويمەن كەزدەسىپ, ءۇشىنشى راۋندتا قارسىلاسىن سۇلاتىپ سالعان بولاتىن.
وسى جەڭىستەرىنەن كەيىن قانات يسلام WBO رەيتينگىندە سەگىزىنشى, جانقوش تۇراروۆ 10-ورىنعا كوتەرىلىپ الدى.