ازات سارپەكوۆ ءىت تەحنولوگيالاردى جاڭادان شىعارۋ بويىنشا كۇن-ءتۇن دەمەي جاڭا جوبالاردى زەرتتەۋمەن قاتار, روبوتوتەحنيكا بويىنشا ماڭىزدى دۇنيەلەردى جەتىلدىرە تۇسۋمەن اينالىسىپ كەلە جاتقان ەلىمىزگە تانىمال تالانتتى جاس باسشىلاردىڭ ءبىرى. ول ەلباسى – تۇڭعىش پرەزيدەنتىمىزگە ەستافەتانى ۇسىنۋى تۋرالى بىلاي دەيدى:
- مەن سارپەكوۆ ازات تولقىن ۇلى, سەمەي قالاسى ەلەكتروتەحنيكالىق كوللەدجىنىڭ ديرەكتورى. ۇلى حاكىم ابايدىڭ 175 جىلدىعىنا وراي قاراكوز قارىنداسىمىزدىڭ باستاماسىمەن باستاۋ العان ولەڭ وقۋ ەستافەتاسىن «Jas Otan» جاستار قاناتىنىڭ سەمەي قالالىق بولىمشەسىنىڭ جەتەكشىسى الماس ايتمۇقاشتان قابىل الىپ, ۇلت جاناشىرى, جاستار جىلىنىڭ باستاماسىنا تيەك بولعان, مەملەكەتىمىزدىڭ تۇڭعىش پرەزيدەنتى, حالقىمىزدىڭ ءبىرتۋار تۇلعاسى نۇرسۇلتان ءابىش ۇلىنا جولدايمىن. رەسپۋبليكالىق «ەگەمەن قازاقستان» گازەتى جانە سايتى ارقىلى نۇرسۇلتان ءابىش ۇلى ەستافەتامدى قابىل السا دەگەن ءوتىنىش ايتامىن.
اۋەلدە ءبىر سۋىق مۇز-اقىل زەرەك, جىلىتقان تۇلا بويدى ىستىق جۇرەك. توقتاۋلىلىق, تالاپتى شىدامدىلىق, بۇل قايراتتان شىعادى, بىلسەڭ كەرەك. اقىل, قايرات, جۇرەكتى بىردەي ۇستا, سوندا تولىق بولاسىڭ ەلدەن بولەك. جەكە-جەكە بىرەۋى جارىتپايدى, جول دا جوق جارىمەستى «جاقسى» دەمەك. اقىل دا, اشۋ دا جوق, كۇلكى دە جوق, تۋلاپ, قايناپ ءبىر جۇرەك قىلادى الەك. بىرەۋىنىڭ كۇنى جوق بىرەۋىنسىز, عىلىم سول ۇشەۋىنىڭ ءجونىن بىلمەك.
سەمەي