بودەنەنىڭ ەتى مەن جۇمىرتقاسى اۋرۋعا ەم, شيپالى. ونىڭ ۇستىنە ءدامدى, جەڭىل قورىتىلادى دەيدى. بۇل قۇسقا ەرەكشە كۇتىم مەن باپ قاجەت. ءبودەنەنىڭ ساڭعىرىق قيى بولسا – تىڭايتقىش. ماسەلە – ءىستىڭ كوزىن تابۋدا.
وسىنداعى اگرارلى-تەحنيكالىق كوللەدجىندە 2 مىڭداي قۇرت وسىرىلۋدە. قۇرتتار س.تورايعىروۆ اتىنداعى مەملەكەتتىك ۋنيۆەرسيتەتى جانىنداعى عىلىمي-زەرتتەۋ ورتالىعىنان اكەلىنگەن. بۇلار نەگىزىندە تەز كوبەيەدى.
ستانسا ماماندارىنىڭ ايتۋىنشا, ءبىزدىڭ حالقىمىز اۋەلدەن مالدىڭ, قۇستىڭ قيىن كوڭ رەتىندە پايدالانعانى بەلگىلى. ال, بودەنەنىڭ ساڭعىرىعى تابيعي تۇردە جاۋىن قۇرتتارىنىڭ كومەگىمەن وڭدەلەدى. بۇل ەكسپو-2017 حالىقارالىق كورمەسىنەن كەيىن قولعا الىنعان جوبالاردىڭ ءبىرى.قازىر شەتەلدەردە قۇرت ءوسىرۋ جاپپاي قولعا الىنعان. ويتكەنى قۇرتتار جىلىنا 20 تونناداي قالدىقتاردى قورەك ەتەدى ەكەن. بيوگۋمۋستار ارنايى قاپشىققا سالىنىپ, ساتىلۋدا.
ءتىپتى, بولاتجان مۇستافاەۆ باستاعان جەرگىلىكتى عالىمدار تۇرمىستىق قالدىقتاردى دا جاۋىن قۇرتى ارقىلى قايتا وڭدەپ, ەكولوگيالىق تازا ورگانيكالىق تىڭايتقىشتار-بيوگۋمۋس شىعارۋدا.
جوبا ستانسا جانىنداعى گەليوبيولوگيالىق كەشەندە بالامالى ەنەرگيا الۋ ءۇشىن دايىندالدى. ياعني,تەحنولوگيالىق ۇدەرىسكە تۇسكەن قۇس ساڭعىرىعىنان بيولوگيالىق تىڭايتقىش الىنادى.
بودەنە فەرماسىنان ايىنا ونداعان توننا قي شىعادى. جاۋىن قۇرتتارىمەن وڭدەلگەن قيدى عالىمدار بيووتىن وندىرىسىندە پايدالانادى.
– قۇس ساڭعىرىعىنان الىنعان بيوگۋمۋس وسىمدىكتەر ءۇشىن پايدالى.ول مينەرالدى زاتتارعا تولى. كوكونىس وسىرەتىن, جىلىجاي شارۋاشىلىقتارى ءۇشىن دايىن تىڭايتقىش, – دەيدى ستانسا عالىمدارى.
وڭىردەگى تاجىريبەلىك ستانسادا ۆيرۋسسىز كارتوپتار دا وسىرىلەدى. كارتوپتىڭ «يننوۆاتور» اتتى سۇرپىنان قىتىرلاق كارتوپ, فري جاسايدى. قازىر مۇندا بيدايدىڭ دا جاڭا سۇرپى وسىرىلۋدە.
پاۆلودار وبلىسى