سارسەنبى, 27 ناۋرىز 2013 2:27
قازىر قازاقستاندىق ۇلەستى ۇلعايتۋعا باسا ماڭىز بەرىلىپ وتىر. شىنى كەرەك, ونىڭ مول مۇمكىندىكتەرى دە بار. الايدا, قاشاننان ءوز ونىمدەرىمىزگە «مۇرىن ءشۇيىرىپ» قارايتىن ەسكى ادەتتەن ارىلا الماي كەلەمىز. وسىلاي وزگە ەلدىڭ ەكونوميكاسىن دامىتىپ, شەتەلدىك ونىمدەردىڭ وتىمدىلىگىنە قىزمەت ەتىپ جاتقانىمىزدى ءالى دە جەتە تۇسىنە الماي جۇرگەنىمىز جاسىرىن ەمەس. مىسالى, اقتوبە مۇناي قوندىرعىلارى زاۋىتى – سورعىلىق شتانگالار شىعاراتىن بىردەن-ءبىر وتاندىق ءوندىرىس ورنى. مۇندا جىلىنا 200 مىڭ سورعىلىق شتانگا وندىرىلەدى. قازىر زاۋىتتا قوندىرعىلاردى جاڭعىرتۋ ءجۇرگىزىلۋدە. بۇل وندىرىستىك قۋاتتى ەكى ەسەگە دەيىن ارتتىرۋعا مۇمكىندىك بەرەدى, سونداي-اق, بىرقاتار ارتىقشىلىقتارعا دا قول جەتكىزىلەدى. سۇرانىستىڭ جوعارىلىعىن ەسەپتەي وتىرىپ, 400 مىڭ سورعى شتانگاسىنىڭ قولدان-قولعا تيمەي وتەتىنىنە دە سەنىم مول. الايدا, ول ءوز وبلىسىمىزدا ەمەس, باسقا وڭىرلەرگە شىعارىلادى. مۇنىڭ سىرى نەدە؟
سارسەنبى, 27 ناۋرىز 2013 2:27
قازىر قازاقستاندىق ۇلەستى ۇلعايتۋعا باسا ماڭىز بەرىلىپ وتىر. شىنى كەرەك, ونىڭ مول مۇمكىندىكتەرى دە بار. الايدا, قاشاننان ءوز ونىمدەرىمىزگە «مۇرىن ءشۇيىرىپ» قارايتىن ەسكى ادەتتەن ارىلا الماي كەلەمىز. وسىلاي وزگە ەلدىڭ ەكونوميكاسىن دامىتىپ, شەتەلدىك ونىمدەردىڭ وتىمدىلىگىنە قىزمەت ەتىپ جاتقانىمىزدى ءالى دە جەتە تۇسىنە الماي جۇرگەنىمىز جاسىرىن ەمەس. مىسالى, اقتوبە مۇناي قوندىرعىلارى زاۋىتى – سورعىلىق شتانگالار شىعاراتىن بىردەن-ءبىر وتاندىق ءوندىرىس ورنى. مۇندا جىلىنا 200 مىڭ سورعىلىق شتانگا وندىرىلەدى. قازىر زاۋىتتا قوندىرعىلاردى جاڭعىرتۋ ءجۇرگىزىلۋدە. بۇل وندىرىستىك قۋاتتى ەكى ەسەگە دەيىن ارتتىرۋعا مۇمكىندىك بەرەدى, سونداي-اق, بىرقاتار ارتىقشىلىقتارعا دا قول جەتكىزىلەدى. سۇرانىستىڭ جوعارىلىعىن ەسەپتەي وتىرىپ, 400 مىڭ سورعى شتانگاسىنىڭ قولدان-قولعا تيمەي وتەتىنىنە دە سەنىم مول. الايدا, ول ءوز وبلىسىمىزدا ەمەس, باسقا وڭىرلەرگە شىعارىلادى. مۇنىڭ سىرى نەدە؟
وبلىستىق كاسىپكەرلىك جانە ونەركاسىپ باسقارماسىنىڭ باستىعى مارات بالمۇحانوۆتىڭ قازاقستاندىق ۇلەستى ارتتىرۋعا ارنالعان جيىندا مالىمدەۋىنشە, وڭىردە تابيعات پايدالانۋشى بولىپ تابىلاتىن «سپنس-اقتوبەمۇنايگاز» اق سياقتى مۇناي سالاسىندا جۇمىس ىستەپ جاتقان ءىرى كومپانيالار وسىنداي ونىمدەردى شەتەلدەن اكەلۋگە قۇمار كورىنەدى. مۇنايشىلار بولسا, ءوز كەزەگىندە, اقتوبە مۇناي قوندىرعىلارى زاۋىتىنىڭ ءارى (امەريكالىق مۇناي ينستيتۋتى) حالىقارالىق سەرتيفيكاتى جوقتىعىن العا تارتادى. وسىنداي سەرتيفيكات قانا الەمدىك رىنوكقا شىعۋعا جول اشادى. زاۋىتتا قوندىرعىلاردى جاڭعىرتۋدىڭ باستالۋى دا سوندىقتان.
وتكەن جىلى كاسىپورىندا گاز-قۇمدىق ياكور شىعارۋ ءوندىرىسى يگەرىلدى. ول ست-كZ سەرتيفيكاتىمەن بەكىتىلگەن. وسىنىڭ ناتيجەسىندە تاپسىرىستار دا كوبىرەك تۇسە باستاعان. تاپسىرىس بەرۋشىلەر ىشىندە «سامۇرىق-قازىنا» كومپانياسى دا بار. ۇزاق مەرزىمدى جانە ۇلكەن تاپسىرىستاردى مەملەكەتتىڭ قولداۋىنسىز شەشۋ وتە كۇردەلى. ونىڭ باستى سەبەبى, شتانگا شىعارۋعا پايدالانىلاتىن شيكىزات – سوم تەمىردىڭ رەسەيدەن جەتكىزىلەتىندىگىندە بولىپ وتىر. ءبىزدىڭ ەلىمىزدە مۇنداي شيكىزات ازىرگە وندىرىلمەي وتىر. وسىنداي ولقىلىقتىڭ ورنىن تولتىرۋعا باعىتتالعان زاۋىتتا 200 مىڭ ادام ەڭبەك ەتەدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
2013-03-27 20:56:31