وڭىرلىك كوممۋنيكاتسيا قىزمەتىنىڭ اقپارات الاڭىندا وتكەن جيىندا وبلىستىق اۋىل شارۋاشىلىعى باسقارماسىنىڭ باسشىسى باحىت جاحانوۆ بۇل جايلى تارقاتىپ ايتىپ بەردى.
بۇگىنگى كۇنى ەگىس ەگۋ مەجەدەن 5,2 مىڭ گەكتارعا ارتىق ورىندالىپ 183,8 مىڭ گەكتارعا جەتتى. مۇنىن ىشىندە وبلىستا ەگىلگەن مايلى داقىلدار كولەمى سوڭعى 5 جىلدا 6 مىڭ گەكتارعا ارتىپ بۇگىندە 7 مىڭ گەكتاردى قۇرادى.
«قازىرگى تاڭدا ءبىز ەگىلگەن مايلى داقىلدار ونىڭ ىشىندە سافلور مايىنىڭ كولەمىن ارتتىرۋدامىز. بۇل داقىلدار شەت مەملەكەتتەردە وتە قۇندى بولىپ ەسەپتەلەدى. مايلى داقىلداردىڭ ەكسپورت كولەمىن ۇلعايتۋدى جوسپارلاپ وتىرمىز. ءبىزدىڭ ايماقتىڭ كليماتى داقىلداردى وسىرۋگە وتە قولايلى», - دەدى ب. جاحانوۆ.
بۇگىنگى كۇنى وبلىس بويىنشا جالپى كولەمى 10,5 گا قۇرايتىن بارلىعى 164 جىلىجاي بار. تۇرعىنداردى ماۋسىمارالىق كەزەڭدە جىلىجاي ونىمدەرىمەن قامتاماسىز ەتۋ ءۇشىن ۇستىمىزدەگى جىلى جاڭادان 6,395 گا بولاتىن 43 جىلىجايدى ىسكە قوسۋ جوسپارلانىپ وتىر. بۇل ورىندالمايتىن مەجە ەمەس.
قىزىلوردا وبلىسى