ءداستۇرلى چەمپيونات 1 قىركۇيەكتە تسسكا - "اۆانگارد" ويىنىمەن اشىلادى. بىلتىر ماسكەۋلىك كلۋب ومسك ويىنشىلارىن جەڭۋ ارقىلى گاگارين كۋبوگىن يەلەنگەن ەدى.
"بارىس" ەكى ويىندى نۇر-سۇلتاندا وتكىزەدى: 3 قىركۇيەكتە ۆلاديۆوستوك قالاسىنىڭ "ادميرالىمەن", ال قىركۇيەكتىڭ بەسىندە حاباروۆسك قالاسىنىڭ "امۋر" كومانداسىن قابىلادايدى. سوسىن قازاقستاندىق كلۋب ويىنداردى سىرت الاڭدا وتكىزەدى: 8 جانە 9 قىركۇيەكتە قىتايلىق "كۋنلۋن" كومانداسىنا قارسى وينايدى, ال 11-ءى "امۋر" جانە 13-ءى "ادميرالعا" قارسى ونەر كورسەتەتىن بولادى.
جالپى قحل-دا 24 كوماندا 744 ويىن وتكىزەدى. تۋرنير بارىسىندا ەۋروتۋر كەزەڭدەرى ءۇشىن ءۇش رەت ءۇزىلىس بولادى (5-10 قاراشا, 10-15 جەلتوقسان جانە 1-9 اقپان), سونداي-اق, جاڭاجىلدىق مەرەكەگە (31 جەلتوقسان - 2 قاڭتار) جانە ماسكەۋدە وتەتىن قحل جۇلدىزدار اپتالىعى (11-19 اقپان).
2020 جىلى 27 اقپاندا ءداستۇرلى چەمپيونات ماۋسىمى اياقتالادى.