سونداي-اق قالا اكىمى مەگاپوليستى دامىتۋ ءۇشىن جالپى قۇنى 1 ترلن 284 ملرد تەڭگەنى قۇرايتىن 10 باعىت بويىنشا 89 جوبا ۇكىمەت مۇشەلەرى تاراپىنان تولىق قولداۋ تاپقاندىعىن جەتكىزدى.
ەرەكشە نازار اۋداراتىن جايت, كەشەندى جوسپاردى ىسكە اسىرۋ ناتيجەسىندە بيۋدجەتكە جۇكتەمەنى ازايتۋ ءۇشىن, 836 ملرد تەڭگە نەمەسە جوسپارلانعان سومانىڭ 65 پايىز جەكە ينۆەستورلار ەسەبىنەن جۇزەگە اسىرىلادى. 2023 جىلعا قاراي شىمكەنتتە ورتالىقتاندىرىلعان سۋمەن جابدىقتاۋعا قول جەتكىزۋ 93-تەن 98%-عا دەيىن ۇلعايادى. ال, تابيعي گازبەن قامتاماسىز ەتۋ 92-دەن 98 پايىزعا دەيىن, ورتالىقتاندىرىلعان كارىزگە قول جەتكىزۋ 49-دان 75 پايىزعا دەيىن, ساپالى ەلەكترمەن جابدىقتاۋ 91-دەن 96 پايىزعا دەيىن ۇلعايماق.
جولداردىڭ وتكىزۋ قابىلەتى تاۋلىگىنە 75 000 كولىككە دەيىن وسسە, مەكتەپتەردە ءۇش اۋىسىمدى وقىتۋ تولىعىمەن جويىلادى. قالانىڭ سپورتتىق كەلبەتى سانالعان قاجىمۇقان اتىنداعى ورتالىق ستاديون جوندەۋدەن ءوتىپ, ۋەفا تالاپتارىنا تولىق ساي بولادى. ميلليوندى قالا ءۇشىن تۇرعىن ۇيمەن قامتاماسىز ەتۋ ماسەلەسى وڭ شەشىمىن تاۋىپ, ءبىر ادامعا 24-تەن 27 شارشى مەترگە دەيىن ارتپاق.
ەڭ باستىسى, قالا ەكونوميكاسى 3,5 تريلليون تەڭگەگە دەيىن ءوسىپ, جاقىن جىلدارى 60 مىڭعا جۋىق جۇمىس ورنى اشىلادى.
ەسكە سالار بولساق, كەشە نۇر-سۇلتان قالاسىندا پرەمەر-مينيستر اسقار ۇزاقباي ۇلى ءماميننىڭ باسشىلىعىمەن ۇكىمەت وتىرىسى ءوتتى. وندا قالا əكىمى عابيدوللا ءابدىراحىموۆ 2023 جىلعا دەيىن شاھاردى دامىتۋدىڭ كەشەندى جوسپارىن تانىستىرعان بولاتىن.