دومبىرانىڭ مارتەبەسىن مەملەكەتتىك دەڭگەيدە دارىپتەۋ دەگەن – بۇل تۇتاس ۇلتتىڭ رۋحىن كوتەرۋمەن پارا-پار ەرلىك دەپ بىلەمىن. مىنە, ەلباسى نۇرسۇلتان نازارباەۆتىڭ وسى كورەگەن ساياساتىنىڭ ارقاسىندا ۇلت اسپابى جالپىحالىقتىق دەڭگەيدە ۇلىقتالىپ وتىر. وتە قۋانىشتىمىز. ويتكەنى قازاق قۋانىشىن دا, قايعىسىن دا دومبىرانىڭ قوس شەگى مەن شاناعىنا سىيدىرىپ, جانىنا جۇبانىش تاپقان. دومبىرانىڭ پەرنەسىندە ۇلتىمىزدىڭ بار تاريحى مەن تاۋقىمەتى, جالپى ءداۋىر ءۇنى سايراپ جاتىر. ءيا, دومبىرا – ءبىزدىڭ تاريحىمىز, كەشەگىمىز عانا ەمەس, ەرتەڭىمىز, بولاشاعىمىز. ال كەلەشەگىمىز باياندى بولۋى ءۇشىن قازىردەن باستاپ بالالاردى دومبىرا تارتۋ مادەنيەتىنە باۋلۋىمىز كەرەك. وسكەلەڭ ۇرپاق دومبىرانىڭ مارتەبەسىن, ءمان-ماعىناسىن تەرەڭ ءتۇسىنىپ, قادىرى مەن كيەسىن جەتە ۇعىنىپ ءوسۋى قاجەت. باياعىدا, وزدەرىڭىز بىلەسىزدەر, ءار ءۇيدىڭ تورىندە دومبىرا ءىلۋلى تۇراتىن. ەكى قازاقتىڭ ءبىرى دومبىرا شەرتەتىن. مىنە, قازىر دە ءبىز سول دەڭگەيگە جەتۋگە ۇمتىلۋىمىز قاجەت. سوندا ەرتەڭىمىز ايقىن, بولاشاعىمىز جارقىن بولماق. ۇلتتىق دومبىرا كۇنى وسىعان ءسوزسىز سەپتەسەدى دەپ سەنەمىن.
ايتقالي جايىموۆ,
قازاقستاننىڭ ەڭبەك سىڭىرگەن قايراتكەرى, كۇيشى-ديريجەر