استانا كۇنى قارساڭىندا الماتى وبلىسىنىڭ كوكسۋ اۋدانىندا 13 كوپبالالى وتباسى باسپانالى بولدى. وڭىردەگى بالپىق بي, مۇقانشى, اينابۇلاق, ەڭبەكشى اۋىلدىق وكرۋگتەرىندە تۇراتىن اۋلەتتەردىڭ قۋانىشىن اۋدان اكىمى الماس ءادىل ءبولىستى.
كوپبالالى وتباسىلارعا بەرىلگەن تۇرعىن ۇيلەر «نۇرلى جەر» مەملەكەتتىك باعدارلاماسى اياسىندا ساتىپ الىنعان ەكەن. وسى ماقساتقا رەسپۋبليكالىق بيۋدجەتتەن 123 ميلليون 750 مىڭ تەڭگە قاراجات ءبولىنىپتى.
- مەملەكەت تاراپىنان بولىنگەن قاراجاتقا 21 تۇرعىن ءۇي ساتىپ الۋ كوزدەلگەن ەدى. ونىڭ ون ءۇشىن تاپسىردىق. ەندى تامىز ايىنىڭ سوڭىنا قاراي قالعان 8 پاتەردى ساتىپ الامىز. ودان بولەك, اۋداندا 50, 30 پاتەرلى ءۇيدىڭ قۇرىلىسى اياقتالىپ, قازان-قاراشا ايلارىندا تابىستالادى. ول ۇيدەن دە 30-40 پاتەر كوپبالالى وتباسىنا بەرىلمەك, - دەيدى كوكسۋ اۋدانىنىڭ اكىمى الماس ءادىل.
جالپى, كوكسۋ اۋدانىندا 936 كوپبالالى وتباسى تۇرادى. ال 634 انا التىن جانە كۇمىس القا يەگەرى.