وتكەن جىلى ساتباەۆ قالاسىندا قوقىس شىعارۋ بويىنشا ءبىراز ماسەلە تۋىنداعان. بيىل 1 قاڭتاردان باستاپ قوقىس جيناۋمەن اينالىسقان ء«سات-تازالىق» كومپانياسىمەن كەلىسىمشارت توقتاتىلدى. جاڭا مەردىگەر – « ۇلىتاۋ ەكو سەرۆيس» انىقتالدى. كومپانيا بىردەن جۇمىسقا كىرىسىپ, كۇشەيتىلگەن رەجيمدە قىزمەت كورسەتۋگە كىرىستى, دەپ جازادى Egemen.kz.
قالا تازالىعى تەك قوقىس شىعارۋىمەن شەكتەلمەيدى. كوشەلەر مەن جولداردى تازالاۋ جۇمىستارى دا ۇزدىكسىز ءجۇرىپ جاتىر. دەمالىس كۇندەرىنە قاراماستان, كوممۋنالدىق قىزمەتتەر تىنىمسىز ەڭبەك ەتەدى. بۇل باعىتتا 8 ارنايى تەحنيكا مەن 20 مامان جۇمىلدىرىلعان.
بارلىق جۇمىس تۇراقتى باقىلاۋدا تۇر.
قالا اۋماعىنداعى قار تازالاۋ جۇمىستارىن قالالىق اكىمشىلىك قاداعالاپ وتىر.
قازىرگى ۋاقىتتا قار تازالاۋ جۇمىستارىنا 38 جۇمىسشى مەن 11 ارنايى تەحنيكا جۇمىلدىرىلعان. جولداردى تازالاۋ جانە كوكتايعاقتىڭ الدىن الۋ ماقساتىندا ينەرتتى ماتەريالدار سەبۋ جۇمىستارى بەكىتىلگەن جوسپارعا سايكەس جۇرگىزىلىپ جاتىر.
ۇلىتاۋ وبلىسىندا جاڭا سپورت كەشەنى پايدالانۋعا بەرىلدى
سونىمەن قاتار, كەيبىر جول ۋچاسكەلەرىندە قاردىڭ ۋاقىتىلى جانە تولىق تازالانباۋىنان تومپەشىكتەردىڭ پايدا بولعانى انىقتالعان. بۇل جۇرگىزۋشىلەر ءۇشىن ايتارلىقتاي قولايسىزدىق تۋعىزادى. قازىرگى اۋا رايىنىڭ قۇبىلمالى بولۋىن ەسكەرە وتىرىپ, اتالعان كەمشىلىكتەردى جەدەل تۇردە جويۋ تاپسىرىلدى.
«كوكتايعاقتىڭ الدىن الۋ ءۇشىن قوردا 50 توننا قۇم جانە 10 توننا تەحنيكالىق تۇز بار. مەردىگەر ۇيىمدارعا تازالاۋ ساپاسىن كۇشەيتۋ, پروبلەمالىق ۋچاسكەلەرگە باسىمدىق بەرۋ جانە جول قوزعالىسى قاۋىپسىزدىگىن قامتاماسىز ەتۋ جونىندە ناقتى تاپسىرمالار بەرىلدى», دەيدى ساتباەۆ قالاسىنىڭ اكىمى مۇرات بورىباەۆ.
ۇلىتاۋ وبلىسىندا ۇستەل تەننيسىنەن رەسپۋبليكالىق چەمپيونات باستالدى