مۇندا 6 مەن 15 جاس ارالىعىنداعى بالالار جاز بويى ءتۇرلى ساباقتارعا قاتىسىپ, ۋاقىتتارىن ءتيىمدى وتكىزە الادى. وعان قوسا ويىندار ويناپ, مۋلتفيلمدەر قىزىقتاپ, مەرەكەلىك شارالارعا دا اتسالىسادى.
جازعى اكادەميا ساباقتارى تاڭعى جاتتىعۋدان باستالادى. كوڭىلدەرىن كوتەرىپ, بويلارىن سەرگىتىپ العاننان كەيىن وزدەرى قالاعان ۇيىرمەلەرگە بولىنەدى. كىشى توپتاعىلارعا سۋرەت سالۋعا بارلىق جاعداي جاسالعان. ونەرگە ءبىرتابان جاقىندارى دومبىرا ۇيىرمەسىن تاڭداعان. ولارعا «اسىل مۇرا» ۇيىرمەسىنىڭ ۇستازى ايبەك داكەروۆ بەرەدى.
جازعى اكادەميانىڭ قاتىسۋشىسى العات سايرانوۆ بۇعان دەيىن ۇلتتىق اسپاپتا ويناۋدى يگەرىپتى. قالاعا كەلگەن سوڭ بىردەن دومبىرا ۇيىرمەسىن تاڭداپتى.
حيميا كابينەتىنە نەگىزىنەن جوعارعى سىنىپ وقۋشىلارى توپتاسقان. ولار مۇندا ءتۇرلى حيميا پانىنە قاتىستى دارىستەر تىڭدايدى.
جازعى اكادەمياعا كەلۋشىلەرگە 28 ۇستاز ساباق بەرەدى. ءبىرىنشى اۋىسىمدا 100-دەن اسا ۇل-قىز جازعى كانيكۋلدى مازمۇندى وتكىزسە, ەكىنشى اۋىسىمدا 140-قا جۋىق شاكىرت قامتىلعان.
«بالالار ءار ءتۇرلى باعىتتاعى ۇيىرمەلەرگە قاتىسىپ, بىلىمدەرىن جەتىلدىرەدى, تاجىيبەلەرىن بايىتادى. سپورتتىق ويىندارعا, ۆوكالعا, بيگە قاتىسادى. شىلدەنىڭ 9-ى مەن 19-ى ارالىعىندا ىنتالىلاردىڭ ءۇشىنشى لەگىن قابىلدايمىز», دەيدى جازعى اكادەميا جەتەكشىسى كامشات مۋسينا.