بۇل شارا ارىس قالاسىن قالپىنا كەلتىرۋ جانە ونىڭ الەۋمەتتىك - ەكونوميكالىق دامۋىن قامتاماسىز ەتۋ ءۇشىن تج سالدارىن جويۋ جونىندەگى كوميسسيانىڭ وتىرىسىندا ايتىلعان پرەمەر-ءمينيستردىڭ تاپسىرماسىندا كورسەتىلگەن. سالىق بەرەشەگى بار سالىق تولەۋشىلەر بويىنشا مەرزىمىن كەيىنگە قالدىرۋ جانە ۇزارتۋ بويىنشا جۇمىس قىسقا مەرزىمدە جانە وڭايلاتىلعان تارتىپپەن جۇرگىزىلەتىن بولادى.
«سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قر كودەكسىنە سايكەس سالىقتاردىڭ جانە (نەمەسە) تولەماقىلاردىڭ سومالارىن ءبىر مەزگىلدە تەڭ ۇلەستەرمەن اي سايىن نەمەسە توقسان سايىن تولەي وتىرىپ, مەرزىمىن ۇزارتۋ ءۇش جىلدان اسپايتىن مەرزىمگە بەرىلەدى. سالىق تولەۋشىنىڭ جانە (نەمەسە) ءۇشىنشى تۇلعانىڭ جانە (نەمەسە) بانكتىك كەپىلدىكتەرگە قويىلعان مۇلكىن كەپىلگە قويىپ سالىق تولەۋشىنىڭ ءوتىنىشى بويىنشا كەيىنگە قالدىرۋ نەمەسە بولىك تولەۋ ۇسىنىلادى.
ارىس قالاسىنىڭ سالىق تولەۋشىسى كەيىنگە قالدىرۋدى نەمەسە بولىك تولەۋدى العان كەزدە ءوسىمپۇل ەسەپتەۋدەن بوساتىلاتىن بولاتىنىن اتاپ ايتۋ كەرەك. سونىمەن قاتار ارىس قالاسىنىڭ بارلىق سالىق تولەۋشىلەرىنە: دارا كاسىپكەرلەردىڭ جەكەلەگەن ساناتتارىنىڭ قىزمەتىن وڭايلاتىلعان تارتىپتە توقتاتۋ ءۇشىن; ەلەكتروندى تۇردە قوسىلعان قۇن سالىعى بويىنشا تىركەۋ ەسەبىنە قويۋ ءۇشىن قوسىلعان قۇن سالىعى بويىنشا تىركەۋ ەسەبى تۋرالى سالىقتىق ءوتىنىشتى بەرۋ قۇقىعىن ۇسىنۋعا, سالىق ەسەپتىلىگىن تابىس ەتۋدi ۇزارتۋ قۇقىعىن بەرۋ (ۇزارتۋ مۇمكiندiگi 1 ايعا دەيiنگى مەرزiمگە), سالىق ەسەپتىلىگىن تابىس ەتۋدi (ۇزارتۋ, قايتا باستاۋ) توقتاتۋ مۇمكىندىگى بەرىلدى.
مۇنداي سالىق تولەۋشiلەرگە سالىقتىق اكىمشىلەندىرۋ شارالارى قولدانىلمايدى, سالىقتىق بەرەشەكتەردى وتەۋ تۋرالى حابارلاما جولدانبايدى, سالىق تولەۋشiنiڭ (سالىق اگەنتىنىڭ) كاسساسى بويىنشا, بانكتiك شوتتارى بويىنشا شىعىس وپەراتسيالارى توقتاتىلمايدى, سالىق تولەۋشiنiڭ (سالىق اگەنتىنىڭ) مۇلiگiنە شەكتەۋ وكىمى شىعارىلمايدى, سالىقتىق بەرەشەكتەردى ماجبۇرلەپ ءوندىرۋ شارالارى قولدانىلمايدى.
بۇدان باسقا, كوميتەت بارلىق كوشپەلى سالىقتىق تەكسەرۋلەردى, سونداي-اق باسقا دا سالىقتىق باقىلاۋلاردى شەكتەيدى.