بۇگىندە الماتى وبلىسىندا 7848 مۇمكىندىگى شەكتەۋلى بالا ارنايى جاردەماقى الادى ەكەن. ونىڭ ىشىندە 1-توپتاعى مۇگەدەك ساناتىنداعى 1299 بالانىڭ ءتيىستى جاردەماقىسى شىلدە ايىنان باستاپ كوبەيەدى.
ەڭبەك, الەۋمەتتىك قورعاۋ جانە كوشى-قون كوميتەتى وبلىستىق دەپارتامەنتى باسشىسىنىڭ ورىنباسارى جانىبەك دالىباەۆتىڭ ايتۋىنشا, قازىر ايماقتاعى 1299 جاردەماقى الۋشىنىڭ قۇجاتتارى قارالىپ, بەكىتىلگەن شەشىم بويىنشا تولەمدەردى تولەۋ جۇزەگە اسا باستاعان.
- اتاپ ايتقاندا, مۇگەدەك بالانى تاربيەلەۋشىگە جانە بالا كەزىنەن ءبىرىنشى توپتاعى مۇگەدەكتىڭ كۇتىمىنە بايلانىستى بەرىلەتىن جاردەماقى وسى جىلدىڭ 1 شىلدەسىنەن باستاپ 31 183 تەڭگەدەن 41 578 تەڭگەگە دەيىن كوبەيدى, - دەيدى دەپارتامەنتى باسشىسىنىڭ ورىنباسارى جانىبەك دالىباەۆ.
الماتى وبلىسى