تاياۋدا يندۋستريا جانە ينفراقۇرىلىمدىق دامۋ ءمينيسترى رومان سكليار مەن «سامۇرىق-قازىنا» ۇاق» اق باسقارما ءتوراعاسى احمەتجان ەسىموۆ الماتى وبلىسىنا جۇمىس ساپارى بارىسىندا «قورعاس – شىعىس قاقپاسى» اەا-نىڭ نىساندارىمەن جانە قىزمەتىمەن تانىستى. قورعاس كولىك-لوگيستيكالىق حابى نىساندارىندا سونىمەن قاتار الماتى وبلىسىنىڭ اكىمى اماندىق باتالوۆ, «قازاقستان تەمىر جولى» ۇكا» اق باسقارما توراعاسى ساۋات مىڭباەۆ جانە «قازپوشتا» اق باسقارما ءتوراعاسى ساكەن سارسەنوۆ بولدى.
اۋدانى 3010 شارشى مەتر بولاتىن «قازپوشتا» اق-نىڭ بوندتىق قويماسى قورعاستاعى كولىك-لوگيستيكالىق حابىنىڭ اۋماعىندا ورنالاسقان. ول اۆياجەتكىزىلىم مەرزىمىن 2-3 كۇنگە دەيىن, ال اۆتوكولىكپەن جەتكىزۋدى 7-12 كۇنگە دەيىن قىسقارتۋعا, سونىمەن قاتار پوشتا وپەراتورىنا ارىپتەستەر سانىن كەڭەيتۋگە ءمۇمكىندىك بەرەدى. ءىشىنارا «قازپوشتا» ينفراقۇرىلىمىن پايدالانۋ تۋرالى Clevy, «OBORCloud Network Technology Co., Ltd» جانە باسقا دا بىرقاتار قىتايلىق لوگيستيكالىق كومپانيالارمەن ۋاعدالاستىقتارعا قول جەتكىزىلدى.
بۇگىنگى تاڭدا قىتايلىق ءارىپتەستەر قازاقستان ارقىلى ترانزيتپەن وسى جىلدىڭ سوڭىنا دەيىن 400 توننادان استام تاۋار جىبەرۋگە دايىن. ەرەكشە اتاپ وتىلگەنى, قويما قىتايدان ەۋروپالىق وداق جانە ورتالىق ازيا ەلدەرىنە باعىتتالعان ترانزيتتىك جۇكتەردى وڭدەۋگە ارنالعان. ونىڭ وندىرىستىك قۋاتى ورتاشا ەسەپپەن كۇنىنە 15-20 توننانى قۇرايدى, سىيىمدىلىعى شامامەن 58 توننا.
قازىرگى تاڭدا ترانسقۇرلىقتىق كونتەينەرلىك جۇك اعىنى ءۇشىن جاڭا تارتىلىس ورتالىعىنا «Khorgos GateWay» قۇرلىق پورتى اينالىپ وتىر. وڭدەلەتىن كونتەينەرلەر كولەمى جىل سايىن ارتۋدا. 2018 جىلى 134 مىڭنان استام جفە (جيىرما فۋتتىق ەكۆيۆالەنت) قايتا تيەلگەن, بۇل – 2017 جىلعا قاراعاندا 39% كوپ.
– العاشقى جارتىجىلدىقتا ءبىز 66,5 مىڭ جفە وڭدەدىك. جالپى العاندا, ءبىر جىلدا كونتەينەرلەر تيەۋدى 21%-دان اسىرۋ جوسپارلانۋدا, – دەدى «KTZE-Khorgos GateWay» جشس باس ديرەكتورى يبراگيم ماناباەۆ.
احمەتجان ەسىموۆ ەلدە كونتەينەرلىك تاسىمال 47% -عا ارتقانىن جەتكىزدى. بۇل رەتتە ول «KTZ Express» اق باسقارما توراعاسى دميتري ابدۋللاەۆقا قاراتا, بيىل قانشا جۇك تيەلۋ جوسپاردا تۇرعانىن سۇراپ, قىزىعۋشىلىق تانىتتى جانە بۇل كورسەتكىشتى 1 ميلليونعا دەيىن جەتكىزۋ راسىندا مۇمكىن بە دەپ سۇرادى.
«KTZ Express» باسشىسى كومپانيا جوسپارى بويىنشا بيىلعى مەجە 824 مىڭ كونتەينەر جفە ەكەنىن جەتكىزدى. بىراق وسى كورسەتكىشتى ارتتىرۋ جۇمىستارى ۇزدىكسىز جالعاسۋدا. تاياۋدا د.ابدۋللاەۆ قىتايعا بارىپ, سونداعى ارىپتەستەرمەن 20-عا جۋىق كەزدەسۋ جانە چۋنسين, چۋندۋ, سيان پروۆينتسيالارىندا كەلىسسوزدەر وتكىزەدى.
– كوممەرتسيالىق جۇمىستار ۇدايى جۇرگىزىلۋدە. تەڭىز باعدارلارى بويىنشا دا, ترانسىبىر اۋماعى ارقىلى دا جۇك اعىنىن تارتۋدامىز, – دەدى ول.
دەلەگاتسيا بارعان كەزدە قۇرلىق پورتىندا ەكىنشى كونتەينەرلىك قۇرامدى قايتا تيەۋ جۇمىستارى ءجۇرىپ جاتتى. ءبىرىنشىسى بۇل جەردەن بىرنەشە ساعات بۇرىن ەۋروپا باعىتىندا جونەلتىلگەن. ال ەكىنشىسىنىڭ باعىتى – اقتاۋ پورتى, ونىڭ قۇرامىندا يرانعا كەتەتىن 40 كونتەينەر بولدى. بۇل رەتتە اتالعان پويىزدىڭ «سامۇرىق-قازىنا» قورىنىڭ قولداۋىمەن بيىل ساۋىردە باكۋگە باعىتتالعان قازاقستاندىق «تۇركىستان» كەمەسىن پايدالانا وتىرىپ, ىسكە قوسىلعان فيدەرلىك جەلىگە تىكەلەي قاتىسى بار.
– اقتاۋ تەڭىز پورتىنداعى بۇل جەلى تۇراقتى كەستەمەن جۇمىس ىستەۋدە. بۇگىنگى پويىز سەيسەنبى كۇنى اقتاۋدا بولادى, سارسەنبىدە ونى كاسپي ارقىلى جەتكىزۋ ورنىنا جونەلتەدى. سونىمەن بىرگە قورعاسقا جاقىنداعان كەزەكتى پويىز قىتاي اۋماعى ارقىلى جۇرەدى, – دەدى د.ابدۋللاەۆ.
اقتاۋ, باكۋ (اليات) پورتتارى اراسىنداعى فيدەرلىك قاتىناس كۇن سايىن اينالىمعا شىعىپ, سۇرانىسى جوعارىلاۋدا. ەكى اي ىشىندە فيدەرلىك كلاستى كەمەلەرمەن 700-دەن استام كونتەينەر تاسىمالدانعان. تەك ءساۋىر ايىنىڭ وزىندە ولاردىڭ سانى 200 بولدى, ال ماۋسىمدا اقتاۋ پورتى 500-دەن استامىن جونەلتتى. مۇنداعى اتالعان لوگيستيكالىق سەرۆيستىڭ الەۋەتى جىلىنا 300 مىڭنان استام كونتەينەردى قۇرايدى.
«قورعاس – شىعىس قاقپاسى» اەا قۇرلىق پورتى, اقتاۋ تەڭىز پورتى جانە التىنكول شەكارالىق ستانساسىنىڭ لوگيستيكالىق ينفراقۇرىلىمىن پايدالانۋ اتالعان باعدار مەن ءوڭىردىڭ دامۋىندا ەڭ جوعارى مۋلتيپليكاتيۆتىك تيىمدىلىككە يە بولادى. ال «قورعاس – شىعىس قاقپاسى» اەا لوگيستيكالىق ايماعىندا جاقىن كۇندەرى جالپى اۋدانى 25 مىڭ شارشى مەتر «KIF Warehouses» جشس جاڭا قويما كەشەنى ىسكە قوسىلادى.
– 2025 جىلعا دەيىن جالپى سوماسى 421 ملرد تەڭگەنىڭ 10 ينۆەستيتسيالىق جوباسى جۇزەگە اسىرىلماق, – دەدى «قورعاس – شىعىس قاقپاسى» اەا اق باس ديرەكتورى مۇرات بايمۇحانبەتوۆ. – «نۇرلى جول» قوسىنىن قاراۋ كەزىندە «قورعاس – شىعىس قاقپاسى» اەا اۋماعىندا اۆتوكولىكتەردىڭ كەدەرگىسىز قولجەتىمدىلىگىن قامتاماسىز ەتۋگە كوڭىل ءبولىندى.
«قورعاس» حشىو» اق پرەزيدەنتى قاھارمان دجازين «قورعاس» حشىو» اەا باسقارۋ كومپانياسى مارتەبەسىن الىسىمەن حالىقارالىق ورتالىقتىڭ قازاقستاندىق اۋماعىندا جۇمىس ىستەيتىن كومپانيالاردى تىركەۋ باستالاتىنىن ايتتى. ولاردىڭ ءبارى كورسەتىلگەن جەڭىلدىكتەر پاكەتىن الادى – ققس, كتس-تەن جانە جەر مەن م ۇلىككە سالىقتاردان تولىقتاي بوساتىلادى.
جۇمىس ساپارى بارىسىندا كولىك-لوگيستيكالىق حابتىڭ كەلەشەكتەگى دامۋى بويىنشا ناقتى تاپسىرمالار بەرىلدى. يرينا بەكتياروۆا قورعاس