مىسالى, بالەت تەاترى ءال-فارابي داڭعىلى بويى مەن نازارباەۆ داڭعىلىنىڭ باتىسىنداعى ۇزاق ۋاقىت بوس جاتقان جەردە بوي كوتەرەدى.
عيمارات ارحيتەكتۋراسى فونتانى بار, اينالاسى كوگالداندىرىلعان ءارى ەستە قالارلىقتاي ەرەكشە سيپاتتا جاسالادى. ونىڭ كوپقۇرامدى بولشەكتەرى مەن ەلەمەنتتەرى بولادى. نىسان فاكتۋراسى وتە تارتىمدى, ونىڭ جوعارى جاعى جارىق كوزدەرى ارقىلى ايرىقشا نۇرلانادى.
تەاتر كەڭىستىگىن كوپفۋنكتسيونالدى جانە تۇرلەنەتىن تۇرعىدا جاساۋ جسوپارلانعان. حولل الاڭىندا بيزنەس يۆەنتتەر مەن سالتاناتتى شارالار وتكىزۋگە بولادى. عيمارات ىشىندە بالالار ءۇشىن حورەوگرافيا مەكتەبىن اشۋ جوسپارلانعان.
الماتىنىڭ قالا رەتىندە جەدەل دامىپ كەلە جاتقان ءرولىن ءارى مۇندا جىل سايىن 50-دەن استام حالىقارالىق يۆەنتتەردىڭ وتەتىنىن ەسكەرە وتىرىپ زاماناۋي كونگرەسس-ورتالىق سالۋ قولعا الىنباق.
ايتا كەتەرلىگى, «الماتىنى دامىتۋدىڭ 50 جوبا-درايۆەرلەرى» اياسىندا بيىلعى جىلى تاعى بىرقاتار الەۋمەتتىك ينفراقۇرىلىمدار, قوسالقى نىساندار سالىنىپ, كوشەلەر مەن پاركتەر اباتتاندىرىلادى. وسى جوبالار ەسەبىنەن عانا قوسىمشا 5 مىڭعا جۋىق جۇمىس ورنى اشىلىپ, قالا بيۋدجەتىنە 8,8 ملرد. تەڭگە سالىق ءتۇستى.
جىل اياعىنا دەيىن رەسپۋبليكا الاڭىن, دوستىق داڭعىلىن, بايسەيتوۆا مەن جىبەك جولى كوشەلەرىن, ۆەرنىي وبسەرۆاتورياسىن, الماتى زووپاركىن, مەدەۋدەگى شىنىعۋ باسپالداقتارىن, مىڭجىلدىق فونتانىن, قالانىڭ بارلىق سەگىز اۋدانىنداعى وتپەلى ايماقتاردى رەكونسترۋكتسيالاۋ اياقتالادى.
بۇلاردان وزگە, وتباسىلىق-دارىگەرلىك امبۋلاتوريانىڭ, №4 بوسانۋ ءۇيى مەن تۇركسىب اۋدانىنداعى پسيحونەۆرولوگيالىق ينتەرنات جانىنداعى قوسالقى نىسانداردىڭ, مەديتسينالىق جەدەل جاردەم قوسالقى ستانتسياسى مەن الاتاۋ اۋدانىنداعى پاتولوگواناتوميالىق بيۋرونىڭ قۇرىلىستارى بىتەدى.
جالپى, 6 جاڭا بالا باقشا مەن سەيسميكالىق كۇشەيتىلگەن 10 مەكتەپ پايدالانۋعا بەرىلەدى.