«Egemen Qazaqstan» گازەتىنىڭ جاس جۋرناليستەرگە ارنالعان سىيلىعى ءۇشىن كونكۋرس ۋاقىتى ۇزارتىلدى
قۇرمەتتى جاس جۋرناليستەر! سىزدەرگە «Egemen Qazaqstan» گازەتىنىڭ جاس جۋرناليستەرگە ارنالعان سىيلىعى ءۇشىن كونكۋرس ۋاقىتىنىڭ ۇزارتىلعانىن حابارلايمىز!
كوميسسيا القاسى ۇيعارعانداي, جاز ايلارىندا ءىس-شارالاردىڭ كوپتىگىنە بايلانىستى, سونداي-اق جاس ارىپتەستەرگە الدە دە بولسا مۇمكىندىك بەرە وتىرىپ, ماتەريالدار 2019 جىلدىڭ 10 قىركۇيەگىنە دەيىن قابىلدانادى.
«Egemen Qazaqstan» گازەتىنىڭ جاس جۋرناليستەرگە ارنالعان سىيلىعى ءۇشىن كونكۋرسقا قاتىسۋ ەرەجەسى بۇرىنعىداي:
1. جالپى ەرەجەلەر
1.1. بايقاۋدى ۇيىمداستىرۋشى – «Egemen Qazaqstan» رگ» اق. ورنالاسقان مەكەن جايى: استانا قالاسى, 010000, «Egemen Qazaqstan» گازەتى كوشەسى, 5/13.
1.2. كونكۋرستىڭ ماقساتى – جاس جۋرناليستەردى كاسىبي تۇرعىدان ىنتالاندىرۋ, ولاردىڭ كاسىبي بىلىكتىلىكتەرىن كوتەرۋ.
1.3. «Egemen Qazaqstan» گازەتىنىڭ جاس جۋرناليستەرگە ارنالعان سىيلىعى ءۇشىن كونكۋرس جىلىنا 1 رەت جاريالانادى.
1.4. كونكۋرقا 18 بەن 35 جاس ارالىعىنداعى جۋرناليستەر قاتىسا الادى.
1.5. ۇمىتكەرلەردىڭ ماتەريالدارى كونكۋرستىق كوميسسيانىڭ ۇيعارىمىمەن 2019 جىلدىڭ 10 قىركۇيەگىنە دەيىن قابىلدانادى.
1.6. كونكۋرستىڭ تاقىرىبى جىل سايىن وزگەرىپ تۇرادى جانە ونى «Egemen Qazaqstan» رگ» اق رەداكتسيا القاسى بەكىتەدى.
1.7. كونكۋرسقا كەلىپ تۇسكەن ماتەريالداردى «Egemen Qazaqstan» گازەتىنىڭ رەداكتسيا القاسىنان قۇرالعان كوميسسيا (بۇدان ءارى – كونكۋرستىق كوميسسيا) باعالايدى.
2. كونكۋرسقا قاتىسۋ شارتى
2.1. كونكۋرسقا «Egemen Qazaqstan» گازەتىندە جانە egemen.kz سايتىندا جاريالانعان حابارلاندىرۋدا ۇسىنىلعان تاقىرىپقا سايكەس كەلەتىن تاقىرىپ اياسىندا جازىلعان جانە «ەگەمەننىڭ» جۇلدەسى ءۇشىن كونكۋرسقا» دەگەن ايدار قويىلعان ماتەريالدار قابىلدانادى.
«Egemen Qazaqstan» گازەتىنىڭ جاس جۋرناليستەرگە ارنالعان سىيلىعى 2019 جىلى «Egemen Qazaqstan» – 100 جىلدىق جىلناما» دەگەن تاقىرىپ اياسىندا قازاق ءباسپاسوزىنىڭ تاريحىنا, قازىرگى باسپاسوزدەگى ترەندتەر مەن تەحنولوگيالىق جاڭالىقتار سياقتى باعىتتاردى قوزعاۋى ءتيىس.
2.2. كونكۋرسقا ارنالعان ماتەريالدار Times New Roman 14 شريفتىمەن 1,5 ينتەرۆالىندا جازىلىپ, كولەمى 3,5 بەتتەن اسپاۋى ءتيىس. ساپالى سۋرەتتەرىمەن جىبەرىلسە, قۇبا-قۇپ.
2.3. كونكۋرسقا جىبەرىلگەن ماتەريال مەن سۋرەتتەر بۇرىن باسقا باسىلىمداردا جاريالانباعان بولۋى ءتيىس. بۇل ورايداعى جاۋاپكەرشىلىك اۆتورعا جۇكتەلەدى.
2.4. كونكۋرسقا ارنالعان ماتەريالدار info@egemen.kz ەلەكتروندى بايلانىس جەلىسىنە «ەگەمەننىڭ جۇلدەسى ءۇشىن كونكۋرسقا» دەگەن ايدارمەن جىبەرىلۋى قاجەت.
3. كونكۋرس قورىتىندىسى
3.1. كونكۋرستىق كوميسسيا كونكۋرس قورىتىندىسىن ماتەريال قابىلداۋ اياقتالعان كۇننەن باستاپ, 1 ء(بىر) اپتا ىشىندە شىعارۋعا مىندەتتى.
3.2. كونكۋرستىق كوميسسيانىڭ شەشىمىنە سايكەس, 1, 2, 3 ورىندار جۇلدەلى ورىن رەتىندە بەلگىلەنەدى. ولاردىڭ ارقايسىسىنا: 1 ورىنعا – 500 000 تەڭگە, 2 ورىنعا – 300 000 تەڭگە, 3 ورىنعا – 200 000 تەڭگە اقشالاي سىيلىق جانە ارنايى كادەسىيلار تاپسىرىلادى;
قوسىمشا ىنتالاندىرۋ سىيلىعى كونكۋرستىق كوميسسيانىڭ ۇسىنىسىمەن تاعايىندالۋى مۇمكىن.