قارابالىق اۋدانىنىڭ بوسكول اۋىلىنداعى اۋىل شارۋاشىلىعى كاسىپورنىنىڭ بازاسىندا № 24 جەكە ءورت ءسوندىرۋ بەكەتى اشىلدى. ءورت سوندىرۋشىلەردىڭ جاڭا بولىمشەسىن قۇرۋ بوزكول اۋىلدىق وكرۋگىنىڭ اۋماعىندا ورنالاسقان بوسكول, تالاپكەر جانە سامانى – 3 الىس اۋىلدى قىزىل وتتان قورعاۋدى قامتاماسىز ەتەدى. بۇل اۋىلداردا بارلىعى 1 500-دەن استام ادام تۇرادى.
جاڭا ءورت ءسوندىرۋ بەكەتىنىڭ 9 ادام جۇمىس ىستەيدى. اتس-30 ءورت ءسوندىرۋ ءاۆتوموبيلى (گاز-66), كيىم-كەشەك, ءورت-تەحنيكالىق قارۋ-جاراق جانە ءۇي «بوسكول حپپ» جاۋاپكەرشىلىگى شەكتەۋلى سەرىكتەستىگى كومەگىمەن ساتىپ الىندى.
ەرىكتى ءورت ءسوندىرۋ قۇرالىمىنىڭ ءورت سوندىرۋشىلەرى مەن جۇرگىزۋشىلەرى قوستاناي وبلىسى تجد «ءوس جانە اقجق» مم كاسىبي دايىندىق مەكتەبىندە وقۋدان ءوتتى. كۋرستاردى اياقتاعاننان كەيىن بىلىكتىلىك كوميسسياسى سىناقتار قابىلداپ, لاۋازىمى بويىنشا باستاپقى دايىندىقتان وتكەندىگى تۋرالى سەرتيفيكاتتار بەردى. ەندى اۋىل تۇرعىندارىنىڭ تىنىشتىعى تاۋلىك بويى كەزەكشىلىككە تۇسەتىن, دايىندىقتان وتكەن 2 ادام قامتاماسىز ەتەدى.
قوستاناي وبلىسى
قارابالىق اۋدانى