ەلۆيرا سەرىكقىزى – الماتىدان:
Nur Otan پارتياسى الماتى قالالىق فيليالىنىڭ ۇيىمداستىرۋىمەن جانە «جانۋ ماسەلەلەرى ينستيتۋتى» رمك ۇجىمىنىڭ قولداۋىمەن ارىس قالاسىنداعى زارداپ شەككەن تۇرعىندارعا كومەك بەرۋ ماقساتىندا الماتىداعى كاسىپورىندار باسشىلارى مەن ماماندارى جينالدى.
كومەك كورسەتۋ شاراسىندا Nur Otan پارتياسى الماتى قالالىق فيليالى ءتوراعاسىنىڭ ورىنباسارى ارمان حالبەكوۆ جانە «جانۋ ماسەلەلەرى ينستيتۋتى» باس ديرەكتورى تىلەك كەتەگەنوۆ جانە باسقا دا قالا بەلسەندىلەرى الىستاعى اعايىندى وسىناۋ قيىن جاعدايدا قولداۋعا شاقىردى.
Nur Otan پارتياسى الماتى قالالىق فيليالى توراعاسىنىڭ ورىنباسارى ارمان حالبەكوۆ اتاپ وتكەندەي, قازىرگى كەزدە قالا بويىنشا 2 جەدەل قابىلداۋ پۋنكتى جۇمىس ىستەۋدە. الماتىلىقتار شاما-شارقىنشا ازىق-ت ۇلىك, كيىم-كەشەك, تۇرمىس بۇيىمدارىمەن كومەكتەسۋدە. ەرىكتىلەر تاراپىنان بارلىق اكەلىنگەن كومەك بويىنشا ناقتى ءتىزىم جاسالىپ, ونىڭ ءتيىستى مەكەنجايعا تۋرا جەتۋى قامتاماسىز ەتىلۋدە. الماتىلىقتار ەكى كۇن ىشىندە ارىستاعى زارداپ شەككەن اعايىندار ءۇشىن 25 ملن تەڭگە جيناعان.
ماسليحاتتاعى پارتيا فراكتسياسىنىڭ مۇشەسى, كاسىپكەر ەربولات قاسىموۆ 1 ملن تەڭگە اۋدارىپ, ءبىر جۇك كولىگىمەن ارماتۋرا جونەلتكەن. سونداي-اق جەتپىسباي ەدىگەنوۆ باسقاراتىن «الماتى اۋىر ماشينا جاساۋ زاۋىتى» اق, ۆلاديمير رىبالكو باسشىلىعىنداعى «اtacom» جشس تاراپىنان 1 ملن تەڭگەدەن كومەك كورسەتىلدى. ەكى كۇن ىشىندە 150 توننا قۇرىلىس ماتەريالدارى تيەلگەن 14 جۇك كولىگى ارىسقا اتتاندى. ال «ماگنۋم» ساۋدا ورتالىعى 3 ملن تەڭگەنىڭ ازىق-ت ۇلىگىمەن كومەكتەستى. ءدال قازىرگى جاعدايدا الماتىلىقتار ارىس تۇرعىندارىنا بارىنشا قولداۋ كورسەتۋ ماقساتىندا جەدەل كومەك امالدارىن قاراستىرۋدا.
باقىتگۇل باباش – اتىراۋدان:
اتىراۋلىق ەرىكتىلەر ارىستاعى جاعدايعا الاڭداۋشىلىق ءبىلدىرىپ, كومەكتەسۋگە نيەتتى. قازاقستان حالقى اسسامبلەياسىنىڭ كاسىپكەرلەر اسسوتسياتسياسى وتكىزگەن جينالىستا وسىنداي باستاما كوتەرىلدى. مۇنايلى ايماقتاعى بيزنەس وكىلدەرى, ەتنومادەني بىرلەستىكتەر مەن قحا «جاڭعىرۋ جولى» جاستار قوزعالىسىنىڭ مۇشەلەرى, ستۋدەنتتەر مەن ەرىكتىلەر ۇيىمدارى تۇركىستان وبلىسىنداعى قيىن احۋالعا جاناشىرلىق تانىتىپ, كومەك قولدارىن سوزۋدى ۇيعاردى.
«سارايشىق» جشس باس ديرەكتورى, اتىراۋ وبلىسى قازاقستان حالقى اسسامبلەياسى «جاڭعىرۋ جولى» جاستار قوزعالىسىنىڭ جەتەكشىسى تاميلا روزمەتوۆا: «ارىس قالاسىنىڭ تۇرعىندارىنا ەل بولىپ قارايلاسىپ جاتقانىمىز – ەلدىگىمىزدىڭ, بىرلىگىمىزدىڭ بەلگىسى. مۇنداي ساتتە ءبىز دە نەمقۇرايلىلىق تانىتپاي, ارىستىقتارمەن بىرگە ەكەنىمىزدى بىلدىرگىمىز كەلدى. اسسامبلەيانىڭ اتىراۋ وبلىسىنداعى فيليالى, ەتنومادەني بىرلەستىكتەر مەن كاسىپكەرلەر, جاستار اقشالاي-زاتتاي جاردەمدەسىپ جاتىر. «جاڭعىرۋ جولى» جاستار قوزعالىسىنىڭ وبلىستاعى بولىمشەسىنىڭ ءوزى قىسقا ۋاقىت ىشىندە 1 ميلليون تەڭگەدەن استام قاراجات جينادى. جۇمىس ءالى دە جالعاسىن تابادى», دەدى.
ايتا كەتەيىك, «جاڭعىرۋ جولى» قوزعالىسى «JAGSYLYQJASA» جوباسى اياسىندا تۇركىستان وبلىسىنا ەرىكتىلەر جىبەرەدى. اتىراۋ وبلىسىندا جوبا باستالعان ءبىر كۇننىڭ وزىندە 20-دان استام ەرىكتى ارىس تۇرعىندارىنا كومەك كورسەتۋگە تىلەك ءبىلدىردى.
تەمىر قۇسايىن – اقتوبەدەن:
اقتوبە وڭىرىندە «ارىستىقتار, ءبىز سىزدەرمەن بىرگەمىز!» اتتى كومەك بەرۋ مەن قولداۋ اكتسياسى وڭتۇستىكتەن اپات جونىندەگى سۋىت حابار جەتىسىمەن-اق باستالىپ كەتتى. سول كۇنى وڭىردەگى وندىرىستىك كاسىپورىندار مەن وزگە دە ەڭبەك ۇجىمدارى وزدەرىنىڭ ءبىر كۇندىك جالاقىلارىن اپاتتان زارداپ شەككەندەرگە ارنالعان قايىرىمدىلىق قورىنا اۋدارۋ جونىندە شەشىم قابىلدادى. سونداي-اق وبلىستا ارىس جۇرتشىلىعىنا مورالدىق جانە ماتەريالدىق تۇرعىدان قولداۋ كورسەتۋدىڭ شۇعىل شارالارى بەلگىلەندى.
وسى ورايدا ارىستاعى اپات زارداپتارىن ازايتۋ جونىندە ارنايى شتاب قۇرىلىپ, ونىڭ مۇشەلەرى گۋمانيتارلىق كومەك بەرۋ ءىسىن جۇيەلى جولعا قويۋدى ۇيىمداستىردى. بۇل جونىندە العاشقى كەزەكتە اتقارىلعان ءىس-شارالار جونىندە وبلىس اكىمىنىڭ ءبىرىنشى ورىنباسارى راحات سىدىقوۆ بىلاي دەيدى:
– ازىق-ت ۇلىك تۇرلەرى تيەلگەن اۆتوكولىك كەرۋەنى كوپ كەشىكپەي اقتوبەدەن ارىسقا اتتاندى. ونىڭ جالپى سالماعى 24 توننانى قۇرايدى. الداعى ۋاقىتتا ارىس قالاسى ۇلكەن قۇرىلىس الاڭىنا اينالۋعا ءتيىس. اقتوبەلىكتەر ارىستاعى اعايىندارعا جەرگىلىكتى قۇرىلىس يندۋسترياسىنىڭ ونىمدەرىن جەتكىزۋدى جوسپارلاپ وتىر. ونىڭ ىشىندە تاس, اعاش, قۇم, تسەمەنت جانە عيماراتتاردىڭ توبەسىن جابۋعا ارنالعان اسا ءزارۋ ماتەريالدار بار. العاشقى كەزەكتە ونىڭ سوماسى 20 ميلليون تەڭگە كولەمىندە بەلگىلەندى. كومەك بەرۋ اكتسياسىنىڭ ەكىنشى كەزەڭىندە ونىڭ مولشەرى تاعى دا وسەتىن بولادى.
ارىستاعى اپات مەكتەپ وقۋشىلارىنىڭ جازعى دەمالىس كەزىندە ورىن العانى ءمالىم. وسىعان وراي اقتوبەدەگى اتقارۋشى بيلىك وكىلدەرى 100 ارىستىق جاس ورەندى وبلىس اۋماعىنداعى دەمالىس پەن تىنىعۋ لاگەرلەرىندە تەگىن دەمالدىرۋ جونىندە شەشىم قابىلدادى.
ءنازيرا جارىمبەت – قوستانايدان:
ويلاماعان جەردەن بولعان اپاتتان ارىس قالاسىنىڭ جۇرتى ازاپ شەگىپ وتىرعاندا قوستانايداعى اعايىننىڭ دا جۇرەگى سىزدادى. «اپات ايتىپ كەلمەيدى» دەگەن, ونىڭ زاردابى دا, شىعىنى دا زور بولىپ تۇر. اپات بولعان كۇنى تۇسكە دەيىن-اق Nur Otan پارتياسى قوستاناي وبلىستىق فيليالىنىڭ توراعاسى, ايماق اكىمى ارحيمەد مۇحامبەتوۆتىڭ باسشىلىق ەتۋىمەن ارنايى جەدەل شتابى قۇرىلعان ەدى, وندا «جەدەل جەلى» تەلەفونى جۇمىس ىستەي باستادى.
– جايسىز حابار جەتكەننەن-اق توبىل ءوڭىرىنىڭ جۇرتشىلىعى قينالعان اعايىنعا قولداۋ ءبىلدىرىپ, قولۇشىن بەرۋگە اسىقتى. ولار جەدەل تەلەفونعا حابارلاسىپ, كومەك بەرگىسى كەلەتىن ۇسىنىستارىن ايتىپ جاتىر. جەكەلەگەن ادامدار Nur Otan پارتياسىنىڭ فيليالى جانىنان قۇرىلعان ارنايى بەكەتكە بارا الادى. سىن ساتتە ىنتىماق تانىتۋ ماڭىزدى, – دەيدى Nur Otan پارتياسى وبلىستىق فيليالى توراعاسىنىڭ ءبىرىنشى ورىنباسارى جاڭاباي بيسيمباەۆ.
ارىس قالاسىنداعى ازاماتتارعا كومەك كورسەتۋ ماقساتىندا 20 توننا ۇن, 7 توننا ماكارون مەن 3 توننا كونديتەرلىك ءونىمدەرى تيەلگەن اۆتوكەرۋەن جولعا شىقتى.
Nur Otan پارتياسىنىڭ مۇشەلەرى مەن مەكەمە قىزمەتكەرلەرى ءبىر كۇندىك جالاقىسىن ارىس تۇرعىندارىنا كومەك ءۇشىن ارنايى شوتقا اۋداردى. قارجىلاي كومەك كورسەتكەندەردىڭ اراسىندا قوستانايلىق بيزنەس وكىلدەرى دە بار. مىسالى, جەرگىلىكتى كاسىپكەر, Nur Otan پارتياسىنىڭ مۇشەسى سەرگەي بلوك جاعدايدى ەستىگەن بويدا 1 ميلليون تەڭگە, Nur Otan پارتياسى ساياسي كەڭەسىنىڭ مۇشەسى, قازاقستاننىڭ ەڭبەك ەرى ازامات تۇرسىنوۆ جانە ول باسشىلىق ەتەتىن «قاراسۋ» كومپانياسىنىڭ قىزمەتكەرلەرى 3,5 ميلليون تەڭگە اۋداردى. 20 توننادان استام ۇندى «ولجا-اگرو» جاۋاپكەرشىلىگى شەكتەۋلى سەرىكتەستىگى ارنايى كولىككە تيەپ جونەلتتى.
– «ولجا-اگرو» سەرىكتەستىگى مۇنىمەن شەكتەلمەيدى, اپتانىڭ سوڭىنا دەيىن تاعى 40 توننا ۇن جونەلتەتىن بولامىز, – دەيدى شارۋاشىلىق باسشىسى ايداربەك حودجانازاروۆ. Nur Otan پارتياسى وبلىستىق فيليالى Jas Otan جاستار قاناتىنىڭ بەلسەندىلەرى قابىلداۋ بەكەتىندە كۇندىز-ءتۇنى جۇمىس ىستەيدى.
– كوپتەگەن قوستانايلىقتار ازىق-ت ۇلىك, باسقا دا تۇرمىستىق ءبىرىنشى قاجەتتى كەرەك-جاراقتار اكەلەدى. وبلىستىڭ قالالارى مەن اۋداندارىنان, كاسىپكەرلەردەن تۇسكەن ازىق-ت ۇلىكتەر بەكەت باسىندا ءبىراز جۇككە اينالدى, – دەيدى جاستار قاناتىنىڭ توراعاسى ءادىل ديكەتاەۆ.
ارىستاعى جاعداي تۇراقتالعانشا قوستانايداعى كومەك بەكەتىنىڭ جۇمىسى جالعاسا بەرەدى.
حاميت ەسامان – تارازدان:
توتەنشە جاعدايدان زارداپ شەككەن ارىس قالاسىنىڭ تۇرعىندارىنا جامبىلدىقتار دا ءوزىنىڭ كومەگىن كورسەتتى. قازىرگى ۋاقىتتا جالپى قۇنى 8 ميلليون تەڭگەدەن استام قارجى كولەمىن قۇرايتىن 40 توننا ازىق-ت ۇلىك جۇك كولىكتەرىنە تيەلىپ, ارىس قالاسىنا جونەلتىلدى. ناقتى ايتقاندا, كومەك رەتىندە 10 توننا ۇن, 10 توننا قانت, 18 مىڭ دانا قۇس جۇمىرتقاسى, 1,5 توننا تاۋىق ەتى, 350 كيلوگرامم شۇجىق ونىمدەرى, 1 توننا ءسۇت ونىمدەرى, 200 كيلوگرامم ماكارون ونىمدەرى, 1 توننا وسىمدىك مايى, 400 كيلوگرامم پەچەنە, 700 كيلوگرامم قيار جانە 1000 دانا بولكە نان دايىندالعان.
سونىمەن قاتار 60 توننا قۇرىلىس ماتەريالدارى دا ارىستىقتارعا كومەك رەتىندە جونەلتىلدى. جامبىل وبلىسى اكىمدىگىنىڭ حابارلاۋىنشا, ارىس قالاسىنا مەديتسينالىق قىزمەت كورسەتۋ ماقساتىندا ارنايى 4 بريگادا جىبەرىلگەن. سونداي-اق 2,2 ميلليون تەڭگە كولەمىندە قاجەتتى ءدارى-دارمەك بولىنگەن. ال ارىس قالاسىنداعى توتەنشە جاعداي سالدارىنان 100-دەن استام ادام جامبىل وبلىسىنا كەلىپ, ءتيىستى ورىندارعا ورنالاستى. جامبىل وبلىسىنىڭ اكىمى اسقار مىرزاحمەتوۆ ارىستىقتارمەن كەزدەسىپ, ولارعا اۋليەاتا وڭىرىنەن جان-جاقتى كومەك كورسەتىلەتىنىن ايتتى. بۇگىنگى تاڭدا ازاماتتارعا ءتيىستى كومەكتەر كورسەتىلۋدە. الداعى ۋاقىتتاردا توسىن اپاتتان زارداپ شەككەندەرگە جامبىل وبلىسى اكىمدىگىنىڭ تاراپىنان 180 توننادان اسا گۋمانيتارلىق كومەك جولداناتىن بولادى. سونىمەن قاتار تارازدا ارىس قالاسىنا كومەك جونەلتۋ بويىنشا ارنايى بەكەتتەر جۇمىس ىستەپ تۇر.
ال قايعىلى وقيعا بولعان كۇنى وڭتۇستىك ءوڭىردى بەتكە العان جولاۋشىلار پويىزدارى تاراز قالاسىنىڭ تەمىر جول بەكەتىنە ۋاقىتشا توقتاتىلعان ەدى. دەگەنمەن, ءوڭىر اكىمدىگى جولاۋشىلار ءۇشىن 8 «يكارۋس» ماركالى اۆتوبۋستاردى دايىنداپ, 500-گە تارتا جولاۋشىنى شىمكەنت جانە قىزىلوردا باعىتتارىنا شىعارىپ سالدى.
فاريدا بىقاي – پاۆلوداردان:
وبلىستىق اكىمدىكتىڭ مالىمەتىنشە, قالا جəنە اۋدان əكىمدىكتەرىنىڭ قىزمەتكەرلەرى ءبىر كۇندىك جالاقىلارىن ارىس قالاسىنداعى الاپات جارىلىستان زارداپ شەككەن تۇرعىندارىنا كومەك رەتىندە اۋداردى. مەملەكەتتىك ورگاندار قىزمەتكەرلەرى دە جۇدىرىقتاي جۇمىلىپ, ەرىكتى تۇردە كومەك قولىن سوزدى. ال وبلىستىق پوليتسيا دەپارتامەنتىنىڭ حابارلاۋىنشا, 2 مىڭعا جۋىق پوليتسەي ارىس تۇرعىندارىنا ءبىر كۇندىك ەڭبەكاقىلارىن اۋدارعان.
– ءبىز ارقاشان قيىن جاعدايدا قالعان قازاقستاندىقتارعا وسىلاي قولداۋ كورسەتۋىمىز قاجەت, – دەيدى جەدەل جاساق ينسپەكتورى الماز جانتەمىروۆ.
قازىرگى تاڭدا بىرنەشە تەلەفون نومىرلەرى بويىنشا جەدەل جەلى دە قوسۋلى. وبلىس əكىمدىگىنىڭ باستاماسى بويىنشا ارىس قالاسىنا 100 توننا گۋمانيتارلىق جۇك جونەلتۋ شاراسى جالعاسۋدا. ازىق-ت ۇلىك تاعامدارىن, ءبىرىنشى قاجەتتىلىك تاۋارلارىن, جەكە باس گيگيەناسى زاتتارىن جيناۋ ىسىنە مەتسەناتتار, دەمەۋشىلەر جəنە ءوڭىردىڭ قايىرىمدى تۇرعىندارى اتسالىسىپ جاتىر. وبلىس اكىمى بولات باقاۋوۆ ارىس قالاسىنىڭ 300 بالاسىن ءوڭىردىڭ ساۋىقتىرۋ لاگەرلەرىنە قابىلداۋعا ءازىر ەكەنىن جەتكىزدى. سونداي-اق كومەك قولىن سوزۋعا اسىققان تۇرعىندار ءۇشىن وبلىس ورتالىعىنداعى كريۆەنكو كوشەسى №25-ۇيدەگى Nur Otan پارتياسى وبلىستىق فيليالىنىڭ عيماراتىندا شتاب ورنالاسقان. وسى جەردە ارىس تۇرعىندارىنا تاۋلىك بويى جۇمىس ىستەيتىن كومەك بەرۋ پۋنكتى اشىلدى. ال ەكىنشى شتاب مامىر كوشەسىنىڭ №35-ءۇيى مەكەنجايىندا دوستىق ۇيىندەگى اسسامبلەيانىڭ وبلىستىق فيليالىندا ورنالاسقان.
– اسسامبلەيا فيليالى ارىس قالاسىندا بولعان اپاتتى وقيعا كەزىندە ەۆاكۋاتسيالانعان تۇرعىندارعا گۋمانيتارلىق كومەك كورسەتۋ ءۇشىن قابىلداۋ پۋنكتىن ۇيىمداستىردى, – دەيدى فينن-ۋگور ەتنومادەني بىرلەستىگىنىڭ باسشىسى ولگا نيكولاشينا. – كەز كەلگەن كومەك قابىلدانادى. ءبىز ارىسپەن بىرگەمىز!