مونوپوليستەر تاراپىنان كوممۋنالدىق تولەمدەردى تولەۋ بارىسىندا قاشان دا اسىرا سىلتەۋ بولىپ جاتادى. ءۇي يەلەرى ۇيىندە بولماعان جاعدايدا ينسپەكتورلار ەسەپتەۋ قۇرالدارىنداعى قۇنىنان ارتىق كورسەتىپ جاتادى. ال, بۇل جاعداي ودان وزگەرەك.
ۇلتتىق ەكونوميكا مينيسترلىگى تابيعي مونوپوليالاردى رەتتەۋ, باسەكەلەستىكتى قورعاۋ جانە تۇتىنۋشىلاردىڭ قۇقىقتارىن قورعاۋ كوميتەتىنىڭ قىزىلوردا وبلىسى بويىنشا دەپارتامەنتى مەن «قازگيدرومەت» رمك-نىڭ دەرەكتەرىن ەسكەرە وتىرىپ, جىلۋمەن جابدىقتاۋ قىزمەتتەرىن كورسەتەتىن تابيعي مونوپوليا سۋبەكتىلەرىنىڭ ەسەپتەرىنە ساراپتاما جۇرگىزدى.
ساراپتاما ناتيجەلەرى بويىنشا 2018-2019 جىلۋ بەرۋ كەزەڭىندە جىلۋ ەسەپتەۋ اسپاپتارى جوق تۇتىنۋشىلارعا تىكەلەي قايتارىلاتىن سوماسى ققس-مەن 80,6 ملن تەڭگەنى قۇرادى. «قىزىلوردا جىلۋ ەلەكتر ورتالىعى» مكك-نى بويىنشا 78,1 ملن تەڭگە نەمەسە ورتاشا 1 شارشى مەترگە ققس-مەن 50,07 تەڭگە ەكەن. ءتاريفتى تومەندەتۋ ارقىلى قايتا ەسەپتەۋدە وسىنداي ولقىلىقتار ورىن الىپتى.