بەيسەنبى, 28 اقپان 2013 7:27
قىلمىسكەر ابىلازوۆكە تىقىر تايانعانىن بۇدان بۇرىن دا جازعانبىز. ەندى, مىنە, Tengrinews. KZ سايتىنىڭ جازۋىنا قاراعاندا, ماسكەۋدىڭ بيلىك وكىلدەرى كاسىپكەر مۇحتار ابىلازوۆتەن «ماترەشكا مولل» جەر استى كوڭىل كوتەرەتىن كەشەنى سالىنباق بولىپ جوسپارلانعان پاۆەلەتس ۆوكزالىنداعى قۇرىلىس الاڭىن قايتارىپ الۋعا قاۋلى شىعارعان كورىنەدى. كەشەندى سالۋشى ينۆەستيتسيالىق شارتتى بۇزۋ تۋرالى شەشىمدى مەر ورىنباسارى مارات حۋسنۋللين باسشىلىق ەتكەن قالا قۇرىلىسى – جەر كوميسسياسىنىڭ جۇمىس توبى قابىلداعان.
بەيسەنبى, 28 اقپان 2013 7:27
قىلمىسكەر ابىلازوۆكە تىقىر تايانعانىن بۇدان بۇرىن دا جازعانبىز. ەندى, مىنە, Tengrinews. KZ سايتىنىڭ جازۋىنا قاراعاندا, ماسكەۋدىڭ بيلىك وكىلدەرى كاسىپكەر مۇحتار ابىلازوۆتەن «ماترەشكا مولل» جەر استى كوڭىل كوتەرەتىن كەشەنى سالىنباق بولىپ جوسپارلانعان پاۆەلەتس ۆوكزالىنداعى قۇرىلىس الاڭىن قايتارىپ الۋعا قاۋلى شىعارعان كورىنەدى. كەشەندى سالۋشى ينۆەستيتسيالىق شارتتى بۇزۋ تۋرالى شەشىمدى مەر ورىنباسارى مارات حۋسنۋللين باسشىلىق ەتكەن قالا قۇرىلىسى – جەر كوميسسياسىنىڭ جۇمىس توبى قابىلداعان.
ال كەزىندە ءابىلازوۆتىڭ باقىلاۋىمەن قابىلدانعان «ەۆرازيا» ينۆەستيتسيالىق-وندىرىستىك توبىمەن «پاۆەلەتسكايا» ااق شارتىنىڭ مەرزىمى 2010 جىلدىڭ قىركۇيەگىندە اياقتالعان ەدى. بۇل ۋاقىتقا دەيىن اتالعان 2,2 گەكتار تەلىمدە «توپىراقتاعى تەرەڭدىگى 40 مەترلىك جار» قازىلعان بولاتىن. 3,5 گەكتار قۇرىلىس الاڭىن ساتىپ الۋعا جانە ونى يگەرۋگە ينۆەستور 80 ميلليون دوللار بولگەن ەكەن.
جالپى, بۇقارالىق اقپارات قۇرالدارىنىڭ جازۋىنا قاراعاندا, قازاقستاندىق قاشقىن وليگارح بۇل جوبادان قۇتىلۋدى بۇرىن دا ويلاعان ەكەن, بىراق وعان مۇمكىندىك بولماپتى. 2009 جىلى ول 6 ميلليارد دوللاردى ۇرلادى دەگەن ايىپقا ۇشىراپ, ەلدەن بەزە قاشقان ەدى. سودان بەرى ول رەسەي مەن قازاقستاننىڭ قۇقىق قورعاۋ ورگاندارىنان جاسىرىنىپ ءجۇر.
وسىعان دەيىن قالا مەرى سەرگەي ءسوبيانيننىڭ باسشىلىعىمەن قالا قۇرىلىسى – جەر كوميسسياسىنىڭ جۇمىس توبى بىردە-ءبىر رەت ءابىلازوۆتىڭ «ساقالدى قۇرىلىسىن» قاراپ كورمەپتى. ەندى ماسكەۋدىڭ ۇكىمەتى ساۋدا كەشەنى سالىنباي قالعان جەرگە ءۇش جىلدا پاركينگ تۇرعىزباقشى. بيلىك اتالعان قۇرىلىس الاڭىن زاڭ جۇزىندە كوپ كەشىكپەي قولعا الماق. دەمەك, ءابىلازوۆتىڭ قيتۇرقى ارەكەتتەرى ودان ءارى دە اشكەرە بولا بەرمەك دەگەن ءسوز.