قاسىم-جومارت كەمەل ۇلى ىشكى جانە سىرتقى ساياساتتا ءوزىنىڭ جوعارى بىلىكتىلىگىن, باي تاجىريبەسىن كورسەتىپ كەلە جاتقان ازامات. مەن ول كىسىنىڭ قايراتكەر رەتىندە ەلىمىزدىڭ دامۋىنا ودان ءارى ۇلەس قوساتىنىنا, حالىقتىڭ الەۋمەتتىك جاعدايىنىڭ جاقسارۋىنا كۇش سالاتىنىنا سەنەمىن. ساياساتكەر رەتىندە حالىقارالىق دەڭگەيدە بەدەلى جوعارى. قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ سارا جولىن ءارى قاراي جالعاستىرۋدا ول كىسىگە مەن تەك ساتتىلىك تىلەيمىن.
نۇر-سۇلتان قالاسىندا وتكەن قاسىم-جومارت توقاەۆتى ۇلىقتاۋ راسىمىنە قاتىستىق. پرەزيدەنت ءدۇيىم حالىقتىڭ كوزىنشە ءوزىنىڭ ون باعىتتان تۇراتىن بايانداماسىن جاريالادى. قاسىم-جومارت كەمەل ۇلىنىڭ بۇل بايانداماسى ەلىمىزدىڭ دامۋىنا, الەۋمەتتىك جاعدايىمىزدىڭ بۇدان دا ءارى جاقسارا تۇسۋىنە ارنالىپتى. ودان كەيىن حالىقتىڭ ادال پەرزەنتى رەتىندە انت بەردى. جامبىل وبلىسىنان نۇر-سۇلتان قالاسىنا ارنايى بارعان دەلەگاتتار دا پرەزيدەنتتىڭ باتىل دا بايىپتى باستامالارىن قولدادى. قاسىم-جومارت توقاەۆتىڭ جۇمىسىنا ساتتىلىك تىلەيمىن. باستامالارىنىڭ ءبارىن دە قولدايمىز. ەل ءۇشىن ەڭبەك ەتەتىن ەردىڭ ەڭسەسى ارقاشان بيىك بولسىن!
ەركىنبەك سولتىباەۆ,
جامبىل وبلىستىق ارداگەرلەر كەڭەسىنىڭ توراعاسى
جامبىل وبلىسى