ءابۋ-دابي, 2019 جىلعى 19 ماۋسىم - قازاقستاننىڭ بىرىككەن اراب امىرلىكتەرىندەگى ەلشىلىگىنىڭ جانە قازاقستاننىڭ سىرتقى ساۋدا پالاتاسىنىڭ بىرلەسكەن كۇش-جىگەرىنىڭ ارقاسىندا 2019 جىلعى ماۋسىمدا «وپتوگراد» قازاقستاندىق كومپانياسى پارسى شىعاناعى ەلدەرىنىڭ بارلىق اۋماعىندا كەڭىنەن ۇسىنىلعان ءباا-دەگى «LuLu» گيپەرماركەتتەرىنىڭ ءىرى كوتەرمە-بولشەك ساۋدا جەلىسىنىڭ سورەلەرىنە قازاقستاندىق قوي ەتىن ەكى رەت جەتكىزۋدى جۇزەگە اسىردى.
«وپتوگراد» كومپانياسىنىڭ ديرەكتورى المات بەردەنوۆتىڭ ايتۋىنشا, شەتەلدە ساۋدا جاساۋ ارقاشان بەلگىلى ءبىر تاۋەكەلگە يە, الايدا امىرلىكتەردىڭ نارىعى ساپالى ازىق-ت ۇلىك ونىمدەرىنە باعا مەن ساتىپ الۋ سۇرانىسى ەسەبىنەن تارتىمدى. «ارينە, كۇمانىم بولدى. ەڭ الدىمەن, كوپتەگەن امىرلىك ساتىپ الۋشىلار الدىن الا تولەمسىز جۇمىس ىستەيدى. ءبىزدىڭ كەيبىر جابدىقتاۋشىلارىمىز وسى سەبەپتى جەتكىزىلىمدەردى جاساۋعا بەل بۋماعان», - دەدى قازاقستاندىق كاسىپكەر.
اعىمداعى جىلدىڭ ءساۋىر ايىنىڭ سوڭىندا قازاقستاندىق ديپلوماتتاردىڭ قولداۋىمەن ءابۋ-دابيدە قازاقستاندىق بيزنەسمەندەردىڭ ساۋدا ميسسياسى ۇيىمداستىرىلدى. «سول كەزدە ءبىزدىڭ ەلىمىزدىڭ ءباا-دەگى ەلشىسى ماديار مەڭىلبەكوۆ ماعان قاجەتتى ساتتە كەڭەس بەرىپ, شەشىم قابىلدادىم. شىن مانىندە, بارلىعى ءوز جۇمىسىن جاسادى: سىرتقى ساۋدا پالاتاسى كاسىپكەرلەردىڭ ساپارىن ۇيىمداستىرىپ, ەلشىلىك قاجەتتى جانە بەدەلى جوعارى ىسكەر توپتاردى شاقىردى. ال مەن ءوز كەزەگىندە كاسىپكەر رەتىندە قۇرىلعان بيزنەس مۇمكىندىكتەردى پايدالانا الدىم», - دەدى ا. بەردەنوۆ.
قازاقستاندىق ەكسپورتتى ىلگەرىلەتۋگە جاردەمدەسۋ قازاقستاننىڭ سىرتقى ساياسي ۆەدومستۆوسىنىڭ ماڭىزدى باسىمدىقتارىنىڭ ءبىرى. «ەكونوميكالىق ديپلوماتيانى جۇزەگە اسىرۋ اياسىندا قازاقستاننىڭ شەت ەلدەردەگى مەكەمەلەرىنىڭ جۇمىسىنداعى ماڭىزدى مىندەت قازاقستاندىق كاسىپورىنداردىڭ ونىمدەرىن شەتەلدىك نارىقتارعا جىلجىتۋ بولىپ تابىلادى. سوندىقتان ءبىزدىڭ ەلشىلىك ەميراتتىق نارىقتىڭ ەرەكشەلىكتەرى مەن رەتتەۋ شارتتارىن ەسكەرە وتىرىپ, ازىق-ت ۇلىك ونىمدەرىن قوسا العاندا, قازاقستاندىق تاۋارلاردى ەكسپورتتاۋشىلارعا قولداۋ كورسەتۋ جانە ديپلوماتيالىق كومەك كورسەتۋ بويىنشا قولدا بار الەۋەتتى بارىنشا ارتتىرۋعا جانە پايدالانۋعا تىرىسادى», - دەپ اتاپ ءوتتى قازاقستان ەلشىسى م. مەڭىللبەكوۆ.
ەستەرىڭىزگە سالا كەتسەك, بۇل ءساتتى ساۋدا ميسسياسىن وتكىزۋ قارساڭىندا م. مەڭىلبەكوۆتىڭ ءباا ساۋدا-ونەركاسىپ پالاتالارى فەدەراتسياسىنىڭ پرەزيدەنتى مۋحاممەد تاني مۋرشيد گاننام ال-رۋمەيسيمەن, «LuLu Group» ءىرى كومپانياسىنىڭ توراعاسى جانە باسقارۋشى ديرەكتورى يۋسۋف اليمەن جانە باسقا دا جوعارى وكىلدەرمەن كەزدەسۋى ءوتتى. ناتيجەسىندە, ميسسياعا قاتىسۋشىلار تىكەلەي كەلىسسوزدەر جۇرگىزۋگە, سونداي-اق ءباا جاعدايىندا ىنتىماقتاستىق ءۇشىن پەرسپەكتيۆالىق باعىتتاردى تالداۋعا مۇمكىندىك الدى.
قازاقستاندىق ەتتىڭ العاشقى پارتياسى ەميراتتىق تۇتىنۋشىلاردىڭ سورەلەرىندە جاتىر. سوندىقتان جاقىن ارادا ەكى ەل اراسىنداعى باسقا دا تابىستى ساۋدا-ەكسپورتتىق جوبالاردىڭ ىسكە اسىرىلۋى كۇتىلۋدە.