Burabike Fest 2019 VII قايىرىمدىلىق سپورتتىق-مۋزىكالىق فەستيۆالى 2019 جىلدىڭ 24-25 تامىزىندا ششۋچينسك-بۋراباي كۋرورتتىق ايماعىندا وتەدى. فەستيۆال ۇيىمداستىرۋشىلارى - اقمولا وبلىسى اكىمدىگى مەن بولات وتەمۇراتوۆ قورىمەن بىرلەسكەن Rixos Borovoە قوناق ءۇيى.
ءداستۇرلى تۇردە تولەمنەن, دەمەۋشىلىك جارنالاردان, سونداي-اق قايىرىمدىلىق اۋكتسيونىنان تۇسكەن قاراجات قازاقستان ايماقتارىنداعى اۋرۋحانالار مەن كلينيكالارعا مەديتسينالىق جابدىقتاردى ساتىپ الۋ ءۇشىن جۇمسالاتىن بولادى.
بولات وتەمۇراتوۆ قورىنىڭ قىزمەتكەرلەرى قىزىلوردا قالاسىنداعى وبلىستىق پەريناتالدىق ورتالىققا بارىپ, ەمدەۋ مەكەمەسىنىڭ باسشىلىعىمەن كەزدەستى. كەزدەسۋ بارىسىندا ورتالىقتىڭ قۇرال-جابدىق قاجەتتىلىكتەرى تالقىلاندى.
"بيىل قايىرىمدىلىق فەستيۆالىنىڭ الەۋەتتى بەنەفيتسيارلارىنىڭ ءبىرى بولىپ قىزىلوردا قالاسىنداعى "وبلىستىق پەريناتالدىق ورتالىق" شارۋاشىلىق جۇرگىزۋ قۇقىعىنداعى كوممۋنالدىق مەملەكەتتىك مەكەمەسى تاڭدالدى. ولار گيپوتەرميانى ەمدەۋگە ارنالعان قۇنى 12 000 000 تەڭگە بولاتىن اپپاراتتى الىپ بەرۋ جايلى ءوتىنىش بىلدىرگەن بولاتىن. بۇعان دەيىن 2014 جىلى پەريناتالدىق ورتالىققا وكپەگە جاساندى دەم بەرۋگە ارنالعان 2 اپپارات بەرىلدى", - دەپ حابارلادى قوردىڭ ءباسپاسوز قىزمەتى.
قىزىلوردا وبلىسى