الەمدىك اۋقىمداعى جاڭا جەتىستىكتى نيۋ-يوركتەن كەلگەن گيننەسس رەكوردتار كىتابىنىڭ وكىلى مايكل ەمپريك تىركەدى. دايۆەرلەر كەم دەگەندە 15 مينۋت بويى سۋدا بولدى. مۇحيت تۇبىنەن ۇلكەن قوقىس ءۇيىندىسى تابىلدى. بارلىق جينالعان قوقىس مولشەرى ءالى ەسەپتەلگەن جوق, ازىرگە سانالعانى 1600 فۋنت.
بۇل رەكوردتى ورناتۋ وڭاي بولعان جوق, ەرىكتىلەر الەمنىڭ ءار تۇكپىرىنەن جينالعان. 13 جاسار داليا بولين وسى شاراعا قاتىسۋ ءۇشىن اناسىمەن بىرگە Maكينoۋ, يللينoيc شتاتىنان كەلگەن.
ايتا كەتەيىك, الدىڭعى رەكوردتى ەگيپەت ارمياسىنىڭ بۇرىنعى سۇڭگۋىرى Axمeدoم گaبp ورناتقان بولاتىن. ول 2015 جىلى كومانداسىمەن بىرگە 614 دايۆەرمەن قىزىل تەڭىز ءتۇبىن تازالاعان.
ستاتيستيكاعا سايكەس, 2017 جىلى International Coastal Ocean Cleanup باستاماسىمەن الەمدىك مۇحيت پەن جاعالاۋداعى قالدىقتاردى تازارتۋشىلار 2,4 ملن تەمەكى قالدىعى, 1,7 ملن ىدىس جانە 1,5 ملن پلاستيكالىق بوتەلكە تاپقان. سونداي-اق 800 000 ەرىكتى پلاستيكالىق پاكەتتەر مەن كونتەينەرلەر, سۋ ىشۋگە ارنالعان تۇتىكتەر تاپقان.