بۇگىن دۋشانبەدە ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ بەسىنشى ءسامميتى ءوتىپ جاتىر.
جيىندى اشقان تاجىكستان رەسپۋبليكاسىنىڭ پرەزيدەنتى ەمومالي راحمون جينالعان مەملەكەت جانە ۇكىمەت باسشىلارىنا, قوناقتارعا العىسىن ءبىلدىرىپ, قاسىم-جومارت توقاەۆتى قازاقستان پرەزيدەنتى لاۋازىمىنا سايلانۋىمەن تاعى ءبىر مارتە قۇتتىقتادى.
«كۇن ءتارتىبىن تالقىلاۋعا كىرىسپەس بۇرىن قۇرمەتتى قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتى لاۋازىمىنا سايلانۋىمەن شىن جۇرەكتەن قۇتتىقتاعىم كەلەدى جانە وعان مىقتى دەنساۋلىق پەن جاۋاپتى قىزمەتتە تابىس تىلەيمىن», دەدى كەڭەستىڭ كەزەكتى وتىرىسىن اشقان ەمومالي راحمون.
سونداي-اق, تاجىك پرەزيدەنتى شري-لانكا دەلەگاتسياسىن كەڭەستىڭ جاڭا مۇشەسى ەكەنىن اتاپ ءوتتى.