ال, بيىل بۇل ماقساتقا 1 498,5 ميلليون تەڭگە كولەمىندە قارجى بولىنگەن. سونىمەن قاتار, وتكەن جىلعى «ەكولوگيا جىلى» اياسىندا وبلىس اكىمدىگى وڭىردەگى «قورشاعان ورتانى قورعاۋ سالاسىنداعى ىنتىماقتاستىق تۋرالى» 15 ءىرى كاسىپورىنمەن مەموراندۋم جاساستى. ولاردىڭ قاتارىندا ەۋروازياتتىق ەنەرگەتيكالىق كورپوراتسياسى, «قازاقستان ءاليۋمينيى» اق, پاۆلودار مۇناي-حيميا زاۋىتى, «نەفتەحيم LTD», «كاۋستيك» اق, «KSP Steel» جشس, «مايكۋبەن-ۆەست» جشس بار.
مەموراندۋم اياسىندا وندىرىستىك كاسىپورىندار اتموسفەرالىق اۋاعا مونيتورينگ جۇرگىزۋ ءۇشىن اۆتوماتتاندىرىلعان ستانسالاردى ورناتا باستادى. مىسالى, «قازاقستان ءاليۋمينيى» اق سانيتارلىق قورعاۋ ايماعىنىڭ شەكاراسىندا وپتيكالىق مونيتورينگ جۇيەسىن قۇردى.
قازىرگى تاڭدا ستانسا سىناق رەجيمىندە جۇمىس ىستەۋدە. كاسىپورىنداردا مۇنداي جۇمىستار 2020 جىلدان باستاپ كەزەڭ-كەزەڭىمەن جۇزەگە اسىرىلادى. سانيتارلىق-قورعاۋ ايماقتارىنىڭ شەكاراسىن ارنايى بەلگىلەپ, ەكولوگيالىق جاسىل بەلدەۋ قۇرىلادى.
بيىل كاسىپورىندار اۋماعىندا 30 مىڭ كوشەت وتىرعىزىلادى دەپ جوسپارلانۋدا. ال, وڭىرىمىزدە جىل سايىن 650 مىڭ توننا تۇرمىستىق قاتتى قالدىقتار شىعارىلادى. جينالعان قالدىقتار كولەمى 5,8 ميلليون توننانى قۇرايدى.
قايتا وڭدەۋدىڭ (سۇرىپتاۋدى قوسا العاندا) ۇلەسى جالپى قالدىقتاردىڭ 2,7 پايىزىن قۇرايدى. وڭىردەگى قالدىقتاردى قايتا وڭدەۋ ساياساتى ەلىمىزدىڭ «جاسىل» ەكونوميكاعا كوشۋ تۇجىرىمداماسىنا سايكەس جۇزەگە اسىرىلۋدا. قازىر وڭىرىمىزدە قوقىستى سۇرىپتاپ جيناۋ جۇيەسى قولدانىلۋدا.
پاۆلودار