«بيىلعى قاڭتار-مامىر ايلارىندا جالپى ىشكى ءونىمنىڭ ءوسىمى وتكەن جىلعا قاراعاندا 4% قۇرادى», - دەپ ۇكىمەت باسشىسى, ەكونوميكالىق دامۋ قارقىنىن ارتتىرۋ بويىنشا شارالار قابىلداۋدى تاپسىردى.
ەكونوميكانىڭ نەگىزگى قوزعاۋشى كۇشتەرى قۇرىلىستىڭ 8,8%-عا, ساۋدانىڭ 7,5%-عا, كولىك سالاسىنىڭ 5,3%-عا, وڭدەۋشى سەكتور, ونىڭ ىشىندە ماشينا جاساۋدىڭ 16%-عا, اۆتوونەركاسىپتىڭ 46,4%-عا ءوسۋى بولدى.
وسى جىلدىڭ 5 ايىنىڭ قورىتىندىسى بويىنشا الەۋمەتتىك-ەكونوميكالىق دامۋ بويىنشا اقمولا, پاۆلودار, شىعىس قازاقستان, قوستاناي, تۇركىستان وبلىستارىنىڭ وڭ جۇمىسى بايقالدى.
پرەمەر-مينيستر ا. مامين وڭىرلەر اكىمدەرىنە قۇرىلىس, ينۆەستيتسيالار, ونەركاسىپ جانە تۇرعىن ءۇيدى پايدالانۋعا بەرۋ سالالارىندا كورسەتكىشتەردىڭ ءوسۋىن قامتاماسىز ەتۋ بويىنشا شارالاردى كۇشەيتۋدى تاپسىردى.
بيىلعى مامىردا ايلىق ينفلياتسيا 0,6% قۇرادى. وسىلايشا, جىل باسىنان بەرى ينفلياتسيا 2,4% قۇرادى. قر ۇكىمەتىنىڭ باسشىسى بەلگىلەنگەن دالىزگە (4-6%) سايكەستىگىنە قاراماستان, بىرقاتار وڭىرلەردە اۋىل شارۋاشىلىعى تاۋارلارىنا باعانىڭ ءوسۋى بايقالعانىن ايتتى.
«قازىر جەمىس-جيدەك پەن كوكونىستەردىڭ كوپ ۋاقىتى, سوندىقتان باعالار ارزانداۋى كەرەك, - دەدى اسكار مامين. - اكىمدەر, اسىرەسە, الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتى ۇستاۋ بويىنشا ناقتى شارالار قابىلداسىن».
رەسپۋبليكالىق بيۋدجەتتىڭ ورىندالۋى بويىنشا كونكۋرستىق راسىمدەردى ۋاقىتىلى وتكىزۋ بويىنشا كۇشەيتىلگەن جۇمىستاردى جالعاستىرۋ قاجەتتىگى اتاپ ءوتىلدى. بۇل بيۋدجەت قاراجاتىن يگەرۋ بويىنشا تاۋەكەلدەردى جويۋعا مۇمكىندىك بەرەدى.
ماسەلەنى قورىتىندىلاعان قر پرەمەر-ءمينيسترى اسقار مامين قازاقستان رەسپۋبليكاسىنىڭ تۇنعىش پرەزيدەنتى - ەلباسى نۇرسۇلتان نازارباەۆتىڭ ستراتەگيالىق باعدارىن جانە سايلانعان مەملەكەت باسشىسى قاسىم-جومارت توقاەۆتىڭ سايلاۋالدى باعدارلاماسىنىڭ تولىعىمەن جۇزەگە اسىرىلۋىن قامتاماسىز ەتۋدىڭ ماڭىزدىلىعىن اتاپ ءوتتى. بۇل ەكونوميكانىڭ جانە ينفراقۇرىلىمنىڭ تۇراقتى دامۋى, قولجەتىمدى باسپانامەن قامتاماسىز ەتۋ, سونىمەن قاتار ءبىلىم بەرۋ, دەنساۋلىق ساقتاۋ ماسەلەسىن جاقسارتۋ ارقىلى حالىقتىڭ تابىسىن جانە تۇرمىس ساپاسىن ارتتىرۋ. مەملەكەت باسشىسىنىڭ سايلاۋالدى تۇعىرناماسىنىڭ ستراتەگيالىق مىندەتتەرىن ءتيىمدى جۇزەگە اسىرۋدىڭ ارقاسىندا الەۋمەتتىك ماسەلەلەردى شەشۋگە مۇمكىندىك جاسالادى.
«جاڭا جۇمىس ورىندارىن اشۋ - ۇكىمەت جۇمىسىنىڭ باسىمدىقتى مىندەتى, - دەپ ا. مامين, ناتيجەلى جۇمىسپەن قامتۋ ماسەلەلەرى ەكونوميكانىڭ دامۋىنا, تۇرعىنداردىڭ تابىسىن ارتتىرۋعا, باسەكەلى وندىرىستەردىڭ اشىلۋىنا تىكەلەي بايلانىستى ەكەنىن اتاپ ءوتتى. - بارلىق اكىمدەر جانە مەملەكەتتىك ورگانداردىڭ باسشىلارى ينۆەستيتسيالار تارتۋعا, شاعىن جانە ورتا بيزنەستىڭ دامۋىنا بارىنشا كوڭىل ءبولۋى كەرەك. بۇل جۇمىستى ۇزدىكسىز جۇرگىزۋ قاجەت».