ەلىمىزدىڭ 14 وبلىسى جانە نۇر-سۇلتان, الماتى, شىمكەنت قالالارىندا قازاقستان پرەزيدەنتىن كەزەكتەن تىس سايلاۋ باستالدى.
ۇكىمەت باسشىسى اسقار مامين نۇر-سۇلتان قالاسى استانا كونتسەرت زالىنداعى №138 سايلاۋ ۋچاسكەسىنە كەلدى. بۇعان دەيىن بۇل ۋچاسكەدە ەلوردا اكىمى باقىت سۇلتانوۆ تا داۋىس بەرىپ كەتتى.
پرەمەر-مينيستر اتالعان سايلاۋ ۋچاسكەسىندە تىركەلگەنىن راستاپ, بيۋللەتەن العان سوڭ كەزەكتە تۇرعان قالا تۇرعىندارىمەن سويلەستى. تاڭداۋىن جاساپ, داۋىس بەرىپ بولعان سوڭ اسقار مامين حالىقارالىق بايقاۋشىلارمەن پىكىر الماستى.
سۋرەتتەردى تۇسىرگەن ورىنباي بالمۇرات