قياعا سامعاعان قيانبەكوۆتەر

وبلىستاعى 35 مىڭنان استام كوپ بالالى انالاردىڭ 17 مىڭى – باتىر انالار. ولاردىڭ 8 مىڭعا جۋىعى «التىن القا», 9 مىڭعا جۋىعى «كۇمىس القا» يەگەرلەرى.

ا.توقماعامبەتوۆ اتىنداعى مادەنيەت ۇيىندە وتكەن بايقاۋ قورىتىن­دىسى بويىنشا 10 وتباسى جۇلدەلى ورىنعا يە بولدى.

باي­قاۋدا شيەلى اۋدانىنان قاتىسقان ءابدىجاپپاروۆتار اۋلەتى «ونەگەلى وتباسى», جاڭاقورعاندىق سابىرحانوۆتار «ىنتىماقتى وتباسى», ارال اۋدانىنان كەلگەن تورەحانوۆتار «رۋحتى وتباسى», سىرداريالىق ەسقاراەۆتار «ۇلاعاتتى وتباسى», جالاعاشتىق سامەنوۆتەر «پاراساتتى وتباسى», ال قىزىلوردالىق جانازاروۆتار «زيالى وتباسى» نوميناتسيالارىمەن ماراپاتتالدى. قارماقشى اۋدانىنان قاتىسقان اريفوۆتار وتباسى ءىىى ورىن, جاڭاقورعاندىق قارىنباەۆتار وتباسى ءىى ورىن, شيەلى اۋدانىنان قاتىسقان باي­دە­نوۆتەر وتباسى ءى ورىندى جەڭىپ الدى. وبلىستىق بايقاۋدىڭ باس جۇلدەسىن قيانبەكوۆتەر اۋلەتى يەلەندى.

قيانبەكوۆتەر وتباسى 10 بالانى ءوسىرىپ, ۇيادان ۇشىرعان. بۇگىندە 43 نەمەرە, 12 شوبەرەنىڭ قىزىعىنا تويماي وتىرعان باقىتتى اۋلەتتىڭ ءباي­تەرەگى ءامىر اتا شيەلى اۋدا­نى­نىڭ قۇرمەتتى ازاماتى اتانعان. وتاناسى قالگۇل اپا مەن ءبىر قىزى جانە كەلىنى «التىن القا» يەسى بولسا, تاعى ءبىر كەلىنى «كۇمىس القامەن» ماراپاتتالعان.

«مەرەيلى وتباسى-2019» وبلىس­تىق بايقاۋىنىڭ جەڭىمپازى ءامىر قاريانىڭ جاستارعا ايتارى كوپ.

– «باق, قايدا باراسىڭ – ىنتى­ماق­قا بارامىن» دەگەن سوزدە ۇلكەن وي جاتىر, – دەيدى ونەگەلى شاڭىراق يەسى. – ءار ازامات ءوزىنىڭ وتباسى الدىنداعى جاۋاپكەرشىلىگىن تە­رەڭ تۇسىنسە, ءتالىم-تاربيە ىسىنە جاۋاپ­كەرشىلىكپەن قاراسا باق تا, داۋلەت تە ورايىمەن كەلەدى. وتاس­­قاندارىنا شيرەك عاسىردان اس­قان شاڭىراق ساياسى مول الىپ ءباي­تە­رەك­كە اينالعان.

ايتارى جوق, بۇگىندە جاس شا­ڭى­­راقتار ءجيى شايقالىپ ءجۇر. ستا­تيس­تيكالىق مالىمەتتەر كوڭىل قۇلازىتادى. كەشە عانا «ءسۇيدىم-كۇيدىم» دەپ جاندارى قالماي تا­بىس­قان جانداردىڭ جىل اينالماي جاتىپ جولدارىنىڭ ەكىگە ايىرىلۋى قوعام قاسىرەتىنە اينالىپ بارادى. ارادا كوزى جاۋدىرەپ جۇرەگى قان جىلاپ قالعان سابيلەردىڭ قان­داي جازىعى بار ەدى؟!

بابالارىمىز وتباسى  قۇندى­لىق­تارىنا بەرىك بولعان. اجىراسۋ نەكەن-ساياق ەدى. وتاعاسى جازاتايىم ءومىر­دەن وتسە بالالارى اۋىل بولىپ قام­قورلىققا الىندى, جەسىرىنە جاع­داي جاسالدى, ەلدەن كەتپەدى. ولاردى ەشكىم وزەكتەن تەپكەن جوق. جىل سايىن وتەتىن «مەرەيلى وتبا­سى» بايقاۋى ۇلتتىق تاربيەنىڭ ءتۇپ-تامىرىن اتا-بابا داستۇرىنەن ىزدەيدى. وتاعاسى مەن وتاناسىنا شاڭىراقتىڭ بەرەكەسى – ۇلتتىق قۇندىلىقتاردان اجىراماۋدى اڭعارتادى. اناسى مىقتى ەلدىڭ كەرەگەسى كەڭ, شاڭىراعى بيىك, ىرىسى مول ەكەنىن ۇقتىرادى.

– اللاعا شۇكىر, باقىتتىمىن, – دەيدى ءامىر قيانبەكوۆ اقساقال.