الايدا, 47 مىڭ ساياجاي ۋچاسكەسىن بىرىكتىرەتىن اۋماقتا يەسىز, كۇتىمسىز قالعان جەر تەلىمدەرى از ەمەس. بارىنەن دە دەمالىس كۇندەرى 20 مىڭ ادامعا دەيىن باراتىن ول جاقتاردا جول مەن جارىق جايى قاناعاتتاندىرا بەرمەيدى.
وبلىس اكىمدىگىنىڭ وتىرىسىندا ساياجايلاردى دامىتۋ ماسەلەسى تالقىلانىپ, ايماق باسشىسى قۇمار اقساقالوۆ قوردالانىپ قالعان ماسەلەلەردى شەشۋدى قالا اكىمدىگىنە تاپسىردى.
ەڭ ءبىرىنشى, كۇزەتتى كۇشەيتۋ كەرەك. تۇرعىنداردىڭ الا جاز بويى ماڭداي تەرمەن وسىرگەن ريزىعىن ۇرلاپ, جەمىسىن وزگەلەر كورەتىنى جايلى شاعىمدار ءجيى تۇسەدى. سوندىقتان ساياجايلاردى قاراۋىلدايتىن ەكى ات پوليتسياسى مەن اۆتوپاترۋل جەتكىلىكسىز. پوليتسيا دەپارتامەنتىنىڭ باسشىلىعىنا كۇزەتتى 3 ەسە كوبەيتۋدى تاپسىرامىن», دەدى قۇمار ىرگەباي ۇلى.
قازىر ساياجايلاردىڭ 30 پروتسەنتىندە سۋ جوق. ۇشتەن ءبىرى ەلەكتر جەلىسىنە تىركەلمەگەن. بيىل 1200 ۋچاسكەنى ەلەكتر قۋاتىنا قوسۋدى مىندەتتەيمىن, دەگەن وبلىس اكىمى ساياجايلاردا وسكەن ءونىمدى 9 بازاردا ساتۋدى ۇيىمداستىرۋدى, ول ءۇشىن 300 ورىن دايىنداۋدى تاپسىردى.
سولتۇستىك قازاقستان وبلىسى