بۇگىندە قالادا كولىكتى رەفورمالاۋ اياسىندا اۆتوبۋس پاركىن جاڭارتۋ جانە قالانىڭ باعىتتار جەلىسىن ۇلعايتۋ جۇمىستارىن جالعاستىرۋ بارىسىندا اۆتوبۋس پاركى جىل اياعىنا دەيىن ءجۇز پايىزعا دەيىن جاڭاراتىن بولادى.
تاياۋدا قولدانىسقا ەنەتىن 500 اۆتوبۋستىڭ 200-ءى گازبەن جۇرەتىن بولسا, 60-سى «گارموشكالى» كولىك. قالا اكىمى تۇرعىنداردىڭ وتىنىشىنە وراي تاياۋ ۋاقىتتا 38 جانە 48 باعىتتار جاڭارتىلاتىن بولادى.
قالا ەكولوگياسىن جاقسارتۋ ءۇشىن ەلەكتر كولىگى ەنگىزىلۋدە. ول ءۇشىن ەلەكتروبۋستاردىڭ ءۇشىنشى بۋىنىن شىعاراتىن قازاقستاندىق-گەرماندىق-گونكونگتىك زاۋىت پەن 300 ورىندى اۆتوبۋس پاركى سالىندى. «Made in Almaty» كولىكتەرىنىڭ العاشقى وندىعى ەندى بىرنەشە كۇندەردەن سوڭ باعىتتار بويىنشا جۇرەتىن بولادى.
بۇدان وزگە, تروللەيبۋستىڭ بايلانىس جەلىسىن جاڭارتۋدىڭ جسق جاسالدى. جازدىڭ سوڭىنا دەيىن بيۋدجەتتەن تىس قارجى ەسەبىنەن بەكەت كەشەندەرىنە تاعى 50 ەلەكتروندى تابلو ورناتىلادى.
دەرەكتەر بويىنشا سوڭعى ءۇش جىلدا الماتىداعى اۆتوبۋس پاركىنىڭ 80 پايىزى جاڭارىپ, 1113 جاڭا اۆتوبۋستار ساتىپ الىندى. بۇعان قارجىنى كولەڭكەلى اينالىمنان شىعارۋعا ىقپال ەتكەن «وڭاي» جۇيەسى ارقىلى قول جەتكەن. قازىرگى كەزدە بارلىق ترانزاكتسيانىڭ 97 پايىزى قولما-قول اقىسىز ىسكە اسۋدا.