بۇل كۇندەرى ءفيدجيدىڭ استاناسى ¬– سۋۆادا اۋىر اتلەتيكادان جاس ورەندەر اراسىندا الەم بىرىنشىلىگى ءوتىپ جاتىر.
قازىردىڭ وزىندە سەگىز سالماق دارەجەسى بويىنشا باسەكەلەر اياقتالىپ, جۇلدەلى ورىنداردىڭ يەگەرلەرى انىقتالدى. ۇلدار اراسىندا يتاليالىق سەرجيو ماسسيدا (55 كيلو), تۇركيالىق كانەر توپتاس (61 كيلو), وزبەكستاندىق ادحامجون ەرگاشەۆ (67 كيلو) جانە امەريكالىق كلارەنس كۋمينگس توپ جارسا, ايەلدەر سايىسىندا قىتايدىڭ قارقىنى وتە كۇشتى. اسپان استى ەلىنىڭ ءۇش بىردەي زىلتەمىرشىسى التىن تۇعىرعا كوتەرىلسە, تاعى ءبىر باس جۇلدەنى ۆەتنام سپورتشىسى ولجالادى.
فيدجي ارالىنا قازاقستاننىڭ بەس اۋىر اتلەتى اتتاندى. ولار – كارينا قۇزعانباەۆا (81 كيلو), داريا احمەروۆا (87 كيلو), ەۆگەني لومانوۆ (81 كيلو), نۇرعيسا ادىلەت ۇلى (89 كيلو) جانە ارتەم انتروپوۆ (96 كيلو). ءبىزدىڭ سپورتشىلار ءالى جارىس جولىنا شىققان جوق.