"الدىمەن ەۋرازيالىق ەكونوميكالىق وداقتىڭ ستراتەگيالىق ءپىشىنىن كەڭەيتىپ, ينتەگراتسيا يدەياسىن كۇشەيتۋ قاجەت. بىزگە ەاەو, ەو جانە شىۇ اراسىنداعى تولىققاندى ەكونوميكالىق ىنتىماقتاستىقتى جولعا قويۋ كەرەك. بۇل قاراپايىم مىندەت ەمەس. دەگەنمەن, ەگەر ءبىز بىرلەسە جۇمىس ىستەيتىن بولساق, وندا مۇنداي يدەيانى ىلگەرىلەتۋگە بولادى". وسى رەتتە ەلباسى ەۋرازيالىق كەڭىستىكتىڭ ءمانى جابىلۋ ەمەس, كەرىسىنشە ونى جاھاندىق ءوزارا ءىس-قيمىل ءۇشىن بارىنشا اشىق ەتۋ ەكەنىن اتاپ ءوتتى.
"سونىمەن قاتار قىتايدىڭ ء"بىر بەلدەۋ - ءبىر جول" باستاماسىن ينفراقۇرىلىمدىق لوگيستيكا بولىگىندە ەاەو الەۋەتىنىڭ جالعاسى رەتىنە قابىلدانۋى ءتيىس. ءبىز ەلدەرىمىز ءۇشىن ونى ءتيىمدى جاساي الامىز, مول ەكونوميكالىق تيىمدىلىك بەرەدى, ءبىزدىڭ بىرلەستىكتىڭ ىشكى دە, جەكە دە ماقساتتارىنا قول جەتكىزۋگە سەپتىگىن تيگىزەدى" دەدى جوعارى ەەك قۇرمەتتى توراعاسى.
قر تۇڭعىش پرەزيدەنتى ەاەو-عا مۇشە مەملەكەتتەردىڭ گەوگرافيالىق تۇرعىدا وتە ءتيىمدى ورنالاسقانىن ەسكەرە وتىرىپ, ءىرى بىرلەسكەن جوبالاردى جۇزەگە اسىرۋ جۇمىستارىن ۇدەتۋ قاجەتتىگىنە نازار اۋدارتتى.
"ول ءۇشىن ەلدەرىمىزدە قۋاتتى بازاعا يە بولىپ وتىرمىز. ماسەلەن, قازاقستان بىرقاتار اۋقىمدى حالىقارالىق جوبانى قازىردىڭ وزىندە جۇزەگە اسىرىپ وتىر. سوڭعى 10 جىلدىڭ ىشىندە قازاقستاننىڭ كولىك-لوگيستيكالىق اكتيۆتەرىنىڭ ينفراقۇرىلىمدارىن جانە قۇزىرەتىن دامىتۋعا شامامەن 30 ملرد دوللار ينۆەستيتسيا سالدى. بۇل 5 تەمىر جول مەن 6 حالىقارالىق اۆتوموبيل باعدارىن اشۋعا مۇمكىندىك بەردى" دەدى نۇرسۇلتان نازارباەۆ.