ونىڭ ايتۋىنشا, ەۋرازيالىق ەكونوميكالىق وداقتىڭ حالىقارالىق سەرىكتەستەر اياسى دا كەڭەيىپ كەلەدى.
«جاقىندا يرانمەن ەركىن ساۋدا تۋرالى شارت كۇشىنە ەنەدى. قحر-مەن اقپارات الماسۋ تۋرالى شارتتارعا قول قويىلدى. قازىر ۆەتناممەن, سينگاپۋرمەن, ەگيپەتپەن, سەربيامەن قارقىندى كەلىسسوزدەر ءجۇرىپ جاتىر. وسى كەلىسسوزدەر ءبىزدىڭ ەلدەرىمىزدىڭ ەكونوميكاسى مەن بيزنەسى ءۇشىن جاڭا مۇمكىندىكتەردى اشا وتىرىپ, ناقتى ناتيجەلەرگە الىپ كەلەدى دەپ ۇمىتتەنەمىن» دەدى ول.
ارمەنيا پرەمەر-ءمينيسترى ءوز سوزىندە قازاقستاننىڭ تۇڭعىش پرەزيدەنتى-ەلباسى نۇرسۇلتان ءابىش ۇلى نازارباەۆتىڭ وسى ينتەگراتسيالىق جوبانى قۇرۋداعى ايرىقشا ءرولىن اتاپ ءوتتى.
«وسىدان 25 جىل بۇرىن نۇرسۇلتان ءابىش ۇلى ەۋرازيالىق ينتەگراتسيا يدەياسىن ۇسىندى جانە 5 جىل بۇرىن ول ىسكە اسىرىلدى. ارمەنيا ۇكىمەتىنىڭ ماقساتى - ەۋرازيالىق ەكونوميكالىق وداقتى ودان ءارى دامىتۋ. ونى ءبىزدىڭ حالىقارالىق سەرىكتەستەرىمىز ءۇشىن نەعۇرلىم ءتيىمدى جانە تارتىمدى ەتۋ. بۇگىندە ءبىزدىڭ شەشىمىمىز دامۋعا ىقپال ەتەتىنىنە سەنىمدىمىن» دەدى ول.