قازاقستان پرەزيدەنتى قاسىم-جومارت توقاەۆ رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتورايىمى ناتاليا گودۋنوۆانى قابىلدادى. بۇل تۋرالى اقوردانىڭ ءباسپاسوز قىزمەتى حابارلادى.
مەملەكەت باسشىسىنا ەسەپ كوميتەتىنىڭ جۇمىستارى, مەملەكەتتىك اۋديت جۇيەسىنىڭ احۋالى, سونداي-اق, قازىرگى تەكسەرىستەردىڭ الدىن الا قورىتىندىلارى جونىندە ەسەپ بەرىلدى.
قازاقستان پرەزيدەنتى مەملەكەتتىك مەكەمەلەرگە جوبالىق-سمەتالىق قۇجاتتامالار ازىرلەۋدە جانە ونى مەملەكەتتىك ساراپتامادان وتكىزۋدە ءتيىمدى ءتاسىل قاجەت ەكەنىن ايتتى.
كەزدەسۋ قورىتىندىسى بويىنشا قاسىم-جومارت توقاەۆ بيۋدجەت زاڭناماسىن جانە ەكونوميكالىق جوسپارلاۋدى جەتىلدىرۋگە, سونداي-اق, قارجى زاڭىن بۇزعانى ءۇشىن جاۋاپكەرشىلىكتى كۇشەيتۋگە باعىتتالعان بىرقاتار ناقتى تاپسىرما بەردى.