الماتى اكىمى باۋىرجان بايبەك اۋەزوۆ اۋدانى «تاۋگۇل-3» ىقشام اۋدانىنداعى №175 گيمنازيادا وتكەن سوڭعى قوڭىراۋ سالتاناتتى راسىمىنە قاتىسىپ, مەكتەپ ءبىتىرۋشى تۇلەكتەر, ۇستازدار مەن اتا-انالاردى وقۋ جىلىنىڭ اياقتالۋىمەن قۇتتىقتاپ, الەمنىڭ ەڭ وزىق 30 ەلىنىڭ كوشىنە ىلەسۋ ءۇشىن جاڭا ءبىلىمدى مەڭگەرىپ, جاڭا ماقساتتارعا جەتۋ كەرەكتىگىن ايتتى. سونداي-اق قالا اكىمى سوڭعى ءۇش جىل ىشىندە 3 جاڭا قازاق مەكتەبىنىڭ اشىلعانىن, ونىڭ ەكەۋىنىڭ جەكە ينۆەستورلارمەن ارىپتەستىك ىنتىماقتاستىق بارىسىندا سالىنعانىن اتاپ ءوتتى.
الداعى وقۋ جىلىندا الاتاۋ اۋدانىندا تاعى ءبىر قازاق مەكتەبى اشىلاتىن بولادى. ەكى قازاق مەكتەبى جانىنان 400 جانە 900 ورىندى قوسالقى نىساندار ىسكە قوسىلادى. تاياۋ ۋاقىتتا 7900 ورىندى تاعى 8 جاڭا مەكتەپ سالۋ جوسپارلانعان.
«قازىرگى كەزدە قالادا زاماناۋي ساپالى ءبىلىم الۋ ءۇشىن بارلىق جاعداي جاسالعان. ەلباسى ۇنەمى XXI عاسىر – ءبىلىم مەن عىلىم عاسىرى دەپ ايتىپ كەلەدى. تەك ءبىلىمدى ءارى بىلىكتى كادرلاردى وسىرگەندە عانا ءبىز قۋاتتى جانە گۇلدەنگەن مەملەكەتكە اينالامىز. بيىلعى 236 مىڭ وقۋشىنىڭ 98,7%-ءى مەكتەپ جانىنداعى جانە قالا سىرتىنداعى 800-گە جۋىق لاگەرگە باراتىن بولادى, وعان جەرگىلىكتى بيۋدجەت ەسەبىنەن 232,4 ملن تەڭگە قارجى قاراستىرىلدى. قالعان بالالار ءتۇرلى ۇيىرمە جانە كلۋبتارعا, سپورتتىق سەكتسيالارعا قامتىلادى. مەملەكەت جانە قالا اكىمدىگى تاراپىنان بالالاردىڭ الەۋمەتتىك جاعدايىنا دا ەرەكشە ءمان بەرىلگەن. بيىلعى وقۋ جىلىندا قالا مەكتەپتەرىندە ۇزدىك وقيتىن, كوپبالالى وتباسىنان شىققان 2614 وقۋشى جەرگىلىكتى بيۋدجەت ەسەبىنەن ستيپەنديا الدى», - دەپ اتاپ ءوتتى باۋىرجان بايبەك.