جاپوندىق Panasonic كومپانياسى قىتاي تەلەكوممۋنيكاتسيالىق كونگلومەراتىنا قاتىستى اقش ەنگىزگەن شەكتەۋ شارالارىن ساقتاۋ ماقساتىندا Huawei-مەن ىنتىماقتاستىقتى توقتاتا تۇرۋ تۋرالى مالىمدەدى.
مالىمدەمەدە كومپانيا اقش ۇكىمەتى تىيىم سالعان Huawei جانە ونىڭ 68 فيليالىمەن ءوزارا ءىس-قيمىلدى توقتاتۋعا ءماجبۇر ەكەندىگى ايتىلعان. وتكەن اپتادا اقش Huawei كومپانياسىن قارا تىزىمگە ەنگىزگەن. ەندى امەريكالىق كومپانيالار ارنايى ليتسەنزياسىز ول كومپانيامەن جۇمىس ىستەي المايدى. تىيىم قۇرامداس بولىكتەردىڭ 25% نەمەسە ودان دا كوپ اقش-تا وندىرىلەتىن تاۋارلارعا قاتىستى.
الايدا دونالد ترامپتىڭ پرەزيدەنت اكىمشىلىگى Huawei-گە قاتىستى سانكتسيانى ءۇش ايعا كەيىنگە قالدىردى.
ايتا كەتەيىك, 15 مامىردا دونالد ترامپ اقش كومپانيالارىنا ۇلتتىق قاۋىپسىزدىككە قاۋىپتى دەپ سانالاتىن فيرمالار دايىنداعان تەلەكوممۋنيكاتسيالىق قۇرال-جابدىقتاردى پايدالانۋعا تىيىم سالدى.