مەملەكەت باسشىسىنا ەلورداداعى ورتا جانە مەكتەپكە دەيىنگى ءبىلىم جۇيەسىنىڭ قازىرگى احۋالى مەن ونىڭ كەلەشەك دامۋ پەرسپەكتيۆالارى, سونداي-اق, ارنايى ءبىلىم بەرۋدى قاجەت ەتەتىن بالالارعا جاسالعان جاعداي جونىندە مالىمەت بەرىلدى.
قاسىم-جومارت توقاەۆقا نۇر-سۇلتان قالاسىنداعى ءبىلىم بەرۋ مەكەمەلەرىندە جۇرگىزىلىپ جاتقان تسيفرلاندىرۋ جۇمىستارىنىڭ ناتيجەلەرى باياندالدى. سونىڭ ىشىندە, بالاباقشالارعا كەزەككە قويۋ جانە جولداما بەرۋ, مەكتەپكە قابىلداۋ جانە مەكتەپتەن مەكتەپكە اۋىسۋ, وقۋ ورنىنا كىرۋگە ارنالعان بىرىڭعاي ەلەكتروندى كارتا جانە وقۋشىلاردىڭ تاماعى مەن جولاقىسى ءۇشىن اقشاسىز تولەم جۇيەسىن ەنگىزۋ سياقتى ۇدەرىستەردى ونلاين فورماتىنا كوشىرۋ جونىندە ايتىلدى.
سونىمەن قاتار, قازاقستان پرەزيدەنتى مەكتەپ-گيمنازياداعى «شۇعىلا» كوميۋنيتي ورتالىعى» قوسىمشا ءبىلىم بەرۋ ورتالىعىنىڭ جۇمىسىمەن تانىستى. ول استاناداعى وقۋشىلار سارايىنىڭ فيليالى سانالادى.
مۇندا بالالاردىڭ قابىلەتىن دامىتۋعا ارنالعان 5 ستۋديا مەن 13 ۇيىرمە تەگىن جۇمىس ىستەيدى. بۇل ۇيىرمەلەرگە ونلاين جۇيەسى ارقىلى جازىلۋعا بولادى.