بۇل تۋرالى اقوردانىڭ ءباسپاسوز قىزمەتى حابارلادى.
مەملەكەت باسشىسىنا قالانىڭ العاشقى مەديتسينالىق-سانيتارلىق جاردەم جەلىسىنىڭ دامۋى جانە «ۇيدەگى دارىگەر» جوباسىنىڭ جۇزەگە اسىرىلۋى جونىندە مالىمەت بەرىلدى.
قاسىم-جومارت توقاەۆ ازاماتتارعا, اسىرەسە, قالا حالقىنىڭ تۇراقتى ءوسۋ جاعدايىندا مەديتسينالىق كومەكتىڭ ساپاسىن ارتتىرۋ جانە ونىڭ قول جەتىمدى ءارى جاقىن بولۋىن قامتاماسىز ەتۋ قاجەتتىگىن اتاپ ءوتتى.
قازاقستان پرەزيدەنتى مەديتسينالىق كابينەتتەردى, جەڭىلدىكپەن ءدارى-دارمەكتەر بەرىلەتىن ءدارىحانانى ارالاپ كوردى. سونىمەن قاتار, زاماناۋي تسيفرلىق تەحنولوگيانى قولداناتىن تىركەۋ ءبولىمىنىڭ جۇمىسىمەن تانىستى.