پلەنارلىق سەسسيادا باسەكەگە قابىلەتتىلىكتى ارتتىرۋ, كولىك-لوگيستيكا, اگروونەركاسىپ الەۋەتىن, قارجى نارىقتارى مەن تەحنولوگيالاردى دامىتۋ, مەملەكەتتىك اكتيۆتەردى جەكەشەلەندىرۋ ماسەلەلەرى تالقىلاندى.
قر پرەمەر-ءمينيسترى ا. مامين ينۆەستيتسيالار قازاقستان ەكونوميكاسىنىڭ ءوسىمى مەن ونى دامىتۋدىڭ ىرگەلى فاكتورى بولىپ قالا بەرەتىنىن اتاپ ءوتتى. 2018 جىلى قازاقستانعا $24 ملرد استام تىكەلەي شەتەلدىك كاپيتال ينۆەستيتسيالاندى, بۇل ورتالىق ازياداعى تىكەلەي شەتەلدىك ينۆەستيتسيالاردىڭ جالپى كولەمىنىڭ 90% استامىن قۇرايدى.
قازاقستان ەكونوميكاسىنا حالىقارالىق كاپيتال اعىنىن ودان ءارى كۇشەيتۋ ماقساتىندا ۇكىمەت ينۆەستورلاردى جان-جاقتى قولداۋدى قامتاماسىز ەتەتىن ينۆەستيتسيالىق ساياسات سالاسىندا جاڭا تاسىلدەردى ەنگىزىپ جاتىر.
قر ۇكىمەتىنىڭ باسشىسى فورۋم قاتىسۋشىلارىن قازاقستاندا بيزنەس جۇرگىزۋ جانە ينۆەستيتسيا سالۋ ءۇشىن, ونىڭ ىشىندە جەكەشەلەندىرۋ باعدارلاماسى اياسىندا دا, مۇمكىندىكتەردى قاراستىرۋعا شاقىردى. قازاقستان ءوز كەزەگىندە بارلىق ينۆەستورلارعا قولايلى بيزنەس-احۋال ۇسىنادى.
«قازىرگى ادام, ەنەرگەتيكا, لوگيستيكا كاپيتالىن جاڭارتۋ جونىندەگى جاڭا تاسىلدەر ءبىزدىڭ جاڭا جانە پەرسپەكتيۆالى سالالاردى – ەكونوميكالىق ءوسىمنىڭ بولاشاق قوزعاۋشىلارىن دامىتۋعا باسا كوڭىل ءبولۋىمىزدى تۇسىندىرەدى, — دەدى ا. مامين.
فورۋم قورىتىندىسى بويىنشا ينۆەستيتسيالىق كەلىسىمدەرگە قول جەتكىزىلىپ, $8,9 ملرد سوماسىنا 45 جوبا بويىنشا كوممەرتسيالىق كەلىسىمدەرگە قول قويىلدى.
قر پرەمەر-ءمينيسترى اسقار مامين اەف-2019 اياسىندا باسقارۋشى ديرەكتورى ميحاەل حارمستىڭ جەتەكشىلىگىمەن گەرمانيا ەكونوميكاسىنىڭ شىعىس كوميتەتىنىڭ دەلەگاتسياسىمەن كەزدەسۋ وتكىزدى, وندا ساۋدا-ەكونوميكالىق جانە ينۆەستيتسيالىق ىنتىماقتاستىقتى ودان ءارى دامىتۋ ماسەلەلەرى تالقىلاندى.
2018 جىلدىڭ قورىتىندىسى بويىنشا قازاقستان مەن گەرمانيا اراسىنداعى تاۋار اينالىمى 10,8% ارتىپ, تاريحي جاڭا دەڭگەي $2,1 ملرد-قا جەتتى. ەلدەردىڭ رەتكە كەلتىرىلگەن ەكىجاقتى ىنتىماقتاستىعى قازاقستاندىق-نەمىس كاسىپورىندارىن بەلسەندى تۇردە قۇرۋعا ىقپال ەتەدى. سوڭعى 4 جىلدا نەمىس كومپانيالارى قازاقستاندا 2,4 ملرد-قا جۋىق ەۋروعا ينۆەستيتسيالىق جوبالاردى ىسكە اسىردى, وتكەن جىلى بىرلەسكەن جوبالارعا 190 ملن-نان استام ەۋرو ينۆەستيتسيالاندى.
كەزدەسۋگە قاتىسۋشىلار وڭدەۋ ونەركاسىبىندە, ەنەرگەتيكادا, ماشينا جاساۋدا, كولىك سالاسىندا, اۋىل شارۋاشىلىعىندا, ءبىلىم بەرۋ مەن تسيفرلاندىرۋدا ىنتىماقتاستىقتى ارتتىرۋعا دەگەن نيەتتەرىن جەتكىزدى.