اقىن ەسەنعالي راۋشانوۆ مەملەكەتارالىق سىيلىقتىڭ يەگەرى اتاندى
تۇرىكمەنستان استاناسى اشعاباد قالاسىندا تاۋەلسىز مەملەكەتتەر دوستاستىعىنا (تمد) مۇشە ەلدەردىڭ شىعارماشىلىق جانە عىلىمي ينتەلليگەنتسياسىنىڭ XIV فورۋمى اياسىندا مامىردىڭ 15-ءى كۇنى كورنەكتى اقىن, جازۋشى, مەملەكەتتىك سىيلىقتىڭ لاۋرەاتى ەسەنعالي راۋشانوۆ تمد ەلدەرى مەملەكەتارالىق گۋمانيتارلىق ىنتىماقتاستىق قورىنىڭ «دوستاستىق جۇلدىزدارى» («زۆەزدى سودرۋجەستۆا») مەملەكەتارالىق سىيلىعىمەن ماراپاتتالدى.
سىيلىق قۇرىلتايشىسى, تمد ەلدەرى مەملەكەتارالىق گۋمانيتارلىق ىنتىماقتاستىق قورىنىڭ ارنايى مالىمدەۋىنشە, اتالعان سىيلىقتىڭ تابىس ەتىلۋى ە.راۋشانوۆتىڭ مادەنيەت جانە ونەر سالاسىنداعى جاسامپاز ەڭبەگى مەن جەتىستىكتەرىن تمد ەلدەرىنىڭ جوعارى باعالايتىنىن كورسەتەدى.