اتالعان كەزدەسۋگە «اۋىل» حالىقتىق دەموكراتيالىق-پاتريوتتىق پارتياسىنىڭ توراعاسى, پارلامەنت سەناتىنىڭ دەپۋتاتى ءالي بەكتاەۆ, «اۋىل» حالىقتىق دەموكراتيالىق-پاتريوتتىق پارتياسى جامبىل وبلىستىق فيليالىنىڭ ساياسي كەڭەس مۇشەلەرى, وبلىستىق جانە اۋداندىق ءماسليحاتتىڭ دەپۋتاتتارى, «اۋىل» حالىقتىق دەموكراتيالىق-پاتريوتتىق پارتياسىنىڭ قالالىق جانە اۋداندىق فيليالدارىنىڭ توراعالارى, كاسىپكەرلەر, پروفەسسور-وقىتۋشىلار قۇرامى مەن ستۋدەنتتەر قاتىستى.
اۋەلى «اۋىل» پارتياسىنىڭ توراعاسى ءالي بەكتاەۆ قازاقستان رەسپۋبليكاسىنىڭ پرەزيدەنتتىگىنە كانديدات تولەۋتاي راقىمبەكوۆتىڭ سايلاۋالدى باعدارلاماسىمەن تانىستىرىپ, پارتيانىڭ قازىرگى جۇمىستارىنا توقتالدى. سونىمەن قاتار, سايلاۋالدى باعدارلامادا ايتىلعان قازاقستاننىڭ اگروونەركاسىپتىك كەشەنىن دامىتۋ – حالىقتىڭ ءال-اۋقاتىن ارتتىرۋدىڭ كىلتى, اۋىلدار مەن قالالاردىڭ الەۋمەتتىك تەڭدىگى – قوعامنىڭ وزەكتى ماسەلەلەرىن شەشۋ مۇمكىندىگى, ءداستۇرلى جانە رۋحاني قۇندىلىقتاردى ساقتاۋ – ەل دامۋىنىڭ سەنىمدى نەگىزى جانە اۋىلداعى جاستار ساياساتىنىڭ ءتيىمدى مودەلى – اۋىلدى وركەندەتۋدىڭ قۇرالى سىندى ماسەلەلەر دە كەڭىنەن تالقىلاندى. ءاربىر قاتىسۋشى باعدارلاماعا سايكەس ءوزىنىڭ پىكىرىن ءبىلدىرىپ, ونىڭ ماڭىزدىلىعىن اتاپ ءوتتى.
بۇدان كەيىن «اۋىل» حالىقتىق دەموكراتيالىق-پاتريوتتىق پارتياسى جامبىل وبلىستىق فيليالىنىڭ ساياسي كەڭەس مۇشەسى, «قازاق سۋ شارۋاشىلىعى عىلىمي-زەرتتەۋ ينستيتۋتى» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى نۇرلان بالعاباەۆ جانە «اۋىل» پارتياسى تاراز قالالىق فيليالىنىڭ توراعاسى قايرات بايجانوۆ ءسوز الىپ, ەلىمىزدەگى ەڭ ءىرى ساياسي ناۋقانعا بايلانىستى ءوز ويلارىن ءبىلدىردى. جيىن سوڭىندا «اۋىل» حالىقتىق دەموكراتيالىق-پاتريوتتىق پارتياسىنىڭ توراعاسى ءالي بەكتاەۆ پارتيانىڭ قالالىق جانە اۋداندىق توراعالارىمەن كەزدەستى.