-وكىنىشكە قاراي, سوعىس ارداگەرلەرىنىڭ قاتارى ازايىپ كەلەدى. ال, اتالارعا قۇرمەت كورسەتۋ-پارىز دەپ بىلەمىز, -دەدى وبلىس اكىمى.
وڭىردە كوزى ءتىرى قالعان 72 سوعىس ارداگەرىنىڭ ءبىرى-ۋسپەن اۋدانى بۇلاسۋ اۋىلىندا تۇراتىن 93 جاستاعى ميحايل توپتۋن اۆياتسيالىق اسكەردە قىزمەت ەتكەن. جاپون يمپەرياليستەرىنە قارسى ۇرىستارعا قاتىسقان.
وبلىس اكىمى بولات باقاۋوۆ سوعىس ارداگەرىمەن اڭگىمەلەسىپ, 9 ماماىر مەرەكەسىمەن قۇتتىقتادى. بۇدان كەيىن وبلىس ورتالىعىندا اۋرۋحانادا ەمدەلىپ جاتقان 97 جاستاعى مايدانگەر بەكبولات حازىروۆقا كەلىپ, حال-جاعدايىن ءبىلىپ, ءىلتيپات جاسادى.
-اۋرۋحانادا بارلىق جاعداي جاسالعان, مەديتسينالىق قىزمەتكە كوڭىل تولادى. دارىگەرلەرگە راحمەت,-دەدى بەكبولات اتا. اقسۋ قالاسىندا بولات باقاۋوۆ سوعىس ارداگەرلەرى قۇدايبەرگەن قاپسالياموۆ پەن كيريلل ۆينوكۋروۆتى مەرەكەمەن قۇتتىقتادى.
جەلەزين اۋدانى ميحايلوۆكا اۋىلىندا وبلىس اكىمىن 95 جاستاعى كۋزما چۋيكين كۇتىپ الدى. كۋزما يۆانوۆيچ قالماق دالاسىن, روستوۆ, حاركوۆ جانە دونەتسك وبلىستارىن ازات ەتۋگە قاتىسقان ەكەن.
- كولحوزداعى اۋىر جۇمىس ۇرىس دالاسىنداعى قيىندىقتاردى ەڭسەرۋگە كومەكتەستى, - دەيدى مايدانگەر.
بۇدان كەيىن ەكىباستۇز قالاسىندا تۇراتىن 95 جاستاعى وكتيابرينا بوريسوۆا وبلىس اكىمى باستاعان توپتى ءوزى كۇتىپ الىپ, ولەڭىن وقىپ بەردى.
- اسپانىمىز اشىق بولىپ, جۇلدىزىمىز بيىك جانسىن. مەرەكە كۇنى قۇتتى بولىپ, سوعىس بولماسىن, - دەيدى وكتيابرينا يللاريونوۆنا.
بولات باقاۋوۆ باياناۋىلدىڭ شالعاي اۋىلىندا تۇراتىن 94 جاستاعى ءبىرىمجان ماعاز اقساقالدى دا قۇتتىقتاپ قايتتى. ماعاز اتا ءومىر بويى تۋعان جەردە ەڭبەك ەتىپ كەلەدى. قازىر مايدانگەر قارت كەنجە ۇلىنىڭ وتباسىمەن بايتەكە قىستاۋىندا تۇرىپ جاتىر. مەرەكە قارساڭىندا مايدانگەردىڭ ۇرپاقتارى دا جينالىپتى.
- 9 مامىر-ءبىزدىڭ وتباسىمىز ءۇشىن كۇنتىزبەدەگى باستى كۇننىڭ ءبىرى. ءبارىمىز جينالىپ اكەمىزدى مەرەكەسىمەن قۇتتىقتايمىز, - دەيدى ارداگەردىڭ ۇلى بايانبەك ءبىرىمجانوۆ.