پاۆلودارلىق كاسىپكەرلەرگە تۇرمە اۋماعىنان ءوندىرىس ورىندارىن اشۋ ۇسىنىلۋدا

كاسىپكەرلەر پالاتاسى ماماندارىنىڭ ايتۋىنشا, بۇل – كاسىپكەرلەر ءۇشىن تاپتىرمايتىن مۇمكىندىك.  

كاسىپكەرگە تۇرمە اۋماعىنان تەگىن ءوندىرىس الاڭدارى بەرىلمەك. ەكىنشىدەن, ارزان جۇمىس قولى بار.

وبلىس اكىمدىگى  وسى كەلىسىم تۇزەتۋ مەكەمەلەرىنىڭ اۋماعىندا  كۇندەلىكتى تۇتىنۋعا جانە تۇرمىسقا قاجەتتى زاتتاردىڭ جاسايتىن  «قاراپايىم زاتتار ەكونوميكاسىنىڭ» ءوندىرىسىن دامىتۋعا بولاتىنىن جەتكىزدى.

سونىمەن بىرگە, وڭىردە  16 جۇيە قۇراۋشى كومپانيا, مىڭعا جۋىق وندىرىستىك كاسىپورىندار بار. ەندى وسى كاسىپورىندار اينالاسىندا شاعىن وندىرىستەر قۇرۋعا بولادى.

قىلمىستىق اتقارۋ جۇيەسى دەپارتامەنتى باسشىسىنىڭ ورىنباسارى داۋلەت ىسقاقوۆتىڭ ايۋتىنشا, سوتتالعانداردىڭ كوپشىلىگى ءتۇرلى كاسىپ يەلەرى.

كاسىپكەردىڭ سۇرانىسىنا سايكەس تەحنيكالىق ماماندىقتارعا وقىتۋعا دا  بولادى.

قازىر وبلىس ورتالىعىنداعى اپ 162/2, 162/3, 162/4 تۇزەۋ مەكەمەلەرىندە تەحنيكالىق كوللەدجدەر جۇمىس ىستەۋدە.

ء وندىرىستىڭ ەرەكشەلىگىنە قاراي سوتتالعانداردى سلەسار-جوندەۋشى, مەتالل جونۋشى, كولىك جوندەۋشى, جيھاز شەبەرى سياقتى ماماندىقتار بويىنشا وقىتادى.

جالپى, قىلمىستىق اتقارۋ جۇيەسى دەپارتامەنتىنىڭ سوتتالعانداردى ەڭبەكپەن قامتۋ قىزمەتىنىڭ مالىمەتىنشە, وڭىردە 2 مىڭ ادام جازاسىن وتەۋدە.

ال, تۇرمەلەر اۋماعىندا 6 مىڭ شارشى مەتردەن استام ءوندىرىس الاڭى بوس تۇرعان كورىنەدى.