قىزىلوردا قالاسىنداعى نازارباەۆ زياتكەرلىك مەكتەبىنىڭ وقۋشىلارى اپتا سايىن وبلىستىق بالالار اۋرۋحاناسىنا بارىپ, ەم الىپ جاتقان بۇلدىرشىندەرگە تەاترلاندىرىلعان قويىلىم قويادى.
«ءبىزدىڭ جوبانىڭ باستى ماقساتى – بالالارعا قۋانىش سىيلاۋ. تەاترالدى قويىلىمدار قويىپ, زياتكەر ويىندارىن وتكىزەمىز جانە سۋرەت سالىپ, بالالاردىڭ كوڭىل-كۇيىن كوتەرەمىز. اۋرۋحاناداعى ەمالۋشىلار ءتيىستى مەديتسينالىق كومەكتەرىن السا, ءبىز بالانىڭ دەرتىنەن جازىلىپ شىعۋىنا ءوز ونەرىمىزبەن كومەكتەسەمىز»,–دەيدى قىزىلورداداعى نازارباەۆ زياتكەرلىك مەكتەبىنىڭ 8-سىنىپ وقۋشىسى ءاليما بايمۇحانبەتوۆا.
ءسوز ىڭعايىندا ايتا كەتسەك, نازارباەۆ زياتكەرلىك مەكتەبىنىڭ «تەاترالدى جاردەمى» بالالارعا قولداۋ كورسەتۋگە جانە جالعىزباستى قارتتارعا, الەۋمەتتىك جاعدايى از قامتىلعان وتباسىلارعا جاردەمدەسۋگە باعىتتالعان «قوعامعا قىزمەت» جوباسى اياسىندا قۇرىلعان. بۇگىندە ەرىكتىلەر توبى كوبەيىپ كەلەدى.