وسىعان دەيىن نۇر-سۇلتان قالاسى پوليتسيا دەپارتامەنتى باستىعىنىڭ ءبىرىنشى ورىنباسارى لاۋازىمىن اتقارعان پوليتسيا پولكوۆنيگى مارات ساعىنتاي ۇلى تولەباەۆ سولتۇستىك قازاقستان وبلىسى پوليتسيا دەپارتامەنتىنىڭ باستىعى رەتىندە تاعايىندالدى.
جاڭا باسشىنى ىشكى ىستەر ءمينيسترىنىڭ ورىنباسارى, پوليتسيا پولكوۆنيگى الەكسەي كالايچيدي تانىستىرىپ, شاراعا وبلىس اكىمىنىڭ ءبىرىنشى ورىنباسارى مارات تاسماعانبەتوۆ قاتىستى.
م. تولەباەۆ 1992 جىلى الماتى ارنايى ورتا ميليتسيا مەكتەبىن تامامداعان. ەڭبەك جولىن قىلمىستىق ىزدەستىرۋ ءبولىمىنىڭ جەدەل ۋاكىلىنەن باستاپ, قوستاناي وبلىسى ناۋرىزىم اۋدانىنىڭ ءىىب باستىعىنىڭ ورىنباسارىنا دەيىنگى ەڭبەك ساتىلارىنان وتكەن. ءىىم اكادەمياسى ىشكى ىستەر ورگاندارى باسشى قۇرامدارىن دايارلاۋ فاكۋلتەتىن اياقتاعان سوڭ استانا قالاسى ءىىد كريمينالدىق پوليتسيا باسقارماسى ءبولىمى, كريمينالدىق پوليتسيا باسقارماسى, قوستاناي وبلىسىنىڭ ىشكى ىستەر دەپارتامەنتى باستىعىنىڭ ءبىرىنشى ورىنباسارى قىزمەتتەرىن اتقارعان.