قازاقستاننىڭ تۇڭعىش پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتۋ جەدەلحاتىن جولدادى. بۇل تۋرالى قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ ءباسپاسوز قىزمەتى حابارلادى.
ەلباسى نۇرسۇلتان نازارباەۆ شەرەمەتەۆو اۋەجايىندا جولاۋشىلار ۇشاعىنىڭ ورتەنۋى سالدارىنان ادامداردىڭ قازا بولعانى تۋرالى حاباردى زور كۇيزەلىسپەن قابىلدادى.
«قازا بولعانداردىڭ تۋىستارى مەن جاقىندارىنا, سونداي-اق, بۇكىل رەسەي حالقىنا كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن», – دەلىنگەن جەدەلحاتتا.