قۇرىلىس جۇمىستارىنا «دايىندىق-اگرو» جشس-ءنىڭ ديرەكتورى ءبىرجان شايمەردەنوۆ 40 ميلليون تەڭگە قاراجات ءبولدى.
سوڭعى جىلدارى بۇل اۋىل گۇلدەنىپ, كوركەيىپ كەلەدى. ونداعان ۇيلەر, بالالار الاڭقايى, تاۋارلى ءسۇت فەرماسى تۇرعىزىلدى. مەكتەپ, كلۋب قالپىنا كەلتىرىلدى. ەندى مۇندا سالاۋاتتى ءومىر سالتىن بەرىك ۇستانعان ۇلكەندەرمەن قاتار بالعىندار دا سپورتپەن الاڭسىز اينالىسا الادى.
«تۇرعىنداردىڭ الەۋمەتتىك جاعدايىن, ءومىر ساپاسىن جاقسارتۋدى نازاردان تىس قالدىرمايتىن ءبىرجان ءابدىلمان ۇلىنا العاسىمىز شەكسىز. ول جانسۇگىر بابامىزدىڭ زيراتىنىڭ باسىنا كۇمبەز سالۋعا دا قارجىلىق كومەك بەرگەن بولاتىن», دەيدى دايىندىق نەگىزگى مەكتەبىنىڭ ديرەكتورى تالعات رامازانوۆ.
مۇندا ۆولەيبول, باسكەتبول, فۋتبول, تەننيس, كۇرەس, توعىزقۇمالاق, بەس اسىق سەكتسيالارى جۇمىس ىستەيدى. جاتتىعۋ زالدارىنا زاماناۋي قۇرىلعىلار قويىلعان.
سالتاناتتى اشىلۋدان كەيىن اۋدان مەكتەپتەرىنىڭ وقۋشىلارى ۆولەيبولدان جولداستىق كەزدەسۋ وتكىزدى.