مۇندا جارتى مىڭعا جۋىق تروپيكالىق, سۋبتروپيكالىق وسىمدىكتەر جايقالا ءوسىپ تۇر. سولاردىڭ ءبىرى – انار اعاشى. ونىڭ گۇلدەنۋ ءساتىن ورانجەرەيا قىزمەتكەرلەرى 10 جىل بويى كۇتىپتى.
«انار سۋبتروپيكالىق جەمىس بولعاندىقتان, نەگىزىنەن ورتا ازيادا وسەدى. ءبىز تەرىسكەيدە جەرسىندىرۋگە تاۋەكەل ەتىپ, التى ءتۇبىن گەرمانيادان الدىرعانبىز. جاقسى كۇتىمنىڭ ارقاسىندا كوشەتتىڭ 2-ءۋى ءوسىپ, ءونىپ, بيىل ءبىرىنشى رەت بۇرشىك جاردى. ولاردى باق قىزمەتكەرلەرى جاساندى جولمەن توزاڭداندىردى. ناتيجەسى ء بىز كۇتكەننەن دە اسىپ ءتۇستى», دەيدى بوتانيكالىق باقتىڭ باس اگرونومى راۆيل ريازاپوۆ.
بيىل انالىق گۇلدەردىڭ بىرنەشەۋى ءساتتى توزاڭدانىپ, تۇينەكتەي جەمىس سالا باستاپتى. مۇنداعىلار جاز ماۋسىمىنىڭ اياعىنا قاراي قاراي قىزارا ءبورتىپ, بالبىراي ءپىسۋىن اسىعا توسىپ ءجۇر.
باقتا كۋبالىق ليمون دا وسەدى. وتانىندا ونى «پاندەروزا» دەيدى. بىلتىر ءتۇسىم جامان بولماپتى. قازاقستان-رەسەي وڭىرارالىق فورۋمىنا قاتىسقان تاتارستان پرەزيدەنتىنە ءبىر ليمون سىيعا تارتىلىپتى. بيىل دا جەمىستى مول سالاتىن ءتۇرى بار. ال كۋبانىڭ پاندەروزاسىنا قاراعاندا پاكىستاندىق جەمىستىڭ بۇل ءتۇرى كولەمى جاعىنان كىشىلەۋ, بىراق ءوسىمتال.سۋپەرماركەت سورەلەرىندە تولىپ تۇرعان بۇل ليمون بوتانيكالىق باقتا 50-گە جۋىق جەمىس بەرەدى.
قوڭىر كۇزگە تامان ەكولوگيالىق ورتالىقتا ماندارين مەن باناندار دا بالبىراپ پىسەدى. قازىر جاپ-جاسىل ءىنجىر جەمىسى ەكى ايدىڭ ىشىندە ۋىلجىپ شىعا كەلەدى.