«سوڭعى جىلدارى مەملەكەتتىك-جەكەمەنشىك ارىپتەستىك ارقىلى ينۆەستيتسيا تارتۋ ۇلعايدى. بۇل جالپى ىشكى ءونىمنىڭ وسۋىنە 0,2 پايىز دەڭگەيىندە ۇلەس قوستى. 1 مامىرداعى جاعداي بويىنشا جوبالاردىڭ جالپى سانى 1 285-ءتى قۇرايدى, قۇنى 2,9 ترلن تەڭگە. ونىڭ ىشىندە 1,5 ترلن تەڭگە سوماسىنا 548 شارت جاسالدى. دايىندىق ساتىسىندا 1,4 ترلن تەڭگەنىڭ 737 جوباسى بار. ينۆەستيتسيا كولەمى جاعىنان ەڭ ۇلكەن جوبالار كولىك ينفراقۇرىلىمى, ەنەرگەتيكا جانە تەلەكوممۋنيكاتسيا سالاسىندا ىسكە اسىرىلۋدا», دەدى مينيستر.
جوبالاردىڭ كوبىسى ءبىلىم بەرۋ, دەنساۋلىق ساقتاۋ, ەنەرگەتيكا, تۇرعىن ءۇي-كوممۋنالدىق شارۋاشىلىعى, مادەنيەت, سپورت سالالارىنا تيەسىلى.
«رەسپۋبليكالىق دەڭگەيدە 25 جوبا بار, ونىڭ ىشىندە 9 جوبا بويىنشا شارت جاسالدى. كونكۋرس ساتىسىندا 2 جوبا جانە جوسپارلاۋ دەڭگەيىندە 14 جوبا قامتىلدى. جاسالعان شارتتار سانى بويىنشا شىعىس قازاقستان, پاۆلودار وبلىستارى جانە الماتى قالاسى ءبىرىنشى ورىندا تۇر», دەدى رۋسلان دالەنوۆ.